Мектептеги тамактанууну кантип пайдалуу жана экологиялык жактан таза кылса болот?
2026-жылдын 25-августунда Котормо айылындагы К. Чокоев атындагы мектептин базасында «Green Schools for Healthy Nutrition» долбоорунун алкагында «Good Neighbors Kyrgyz Republic» филиалы тарабынан уюштурулган «Мектептерде туура тамактанууну уюштуруу» деген темада практикалык семинар өттү.
Үч-Терек жана Бел-Алды аймактарынан келген мектеп директорлору мектеп алдындагы чарбаны түзүүнүн ийгиликтүү тажрыйбасын үйрөнүү үчүн чогулушту: алма, жашылчаларды, ал тургай банан менен лимонду өстүрүүдөн баштап, бир сезондо эки жолу түшүм алууга жана аны сактоо үчүн атайын жер төлөнү курууга чейинки тажрыйбалар менен таанышышты.
Семинардын катышуучусу менен маек:
Мукаш Жамгырканов атындагы мектептин директору Шарипова Жазгүл Үчбаевна өзүнүн таасирлери жана мектеп алдындагы участогун өнүктүрүү пландары менен бөлүштү:
«Бүгүн биз семинарга катышып, абдан чоң таасир алдык. Биздин мектеп буга чейин эле алма бак тигүү боюнча Garden долбоорун ишке ашырууга аракет кылган: ылайыктуу жерлерди даярдап, кыртыштын анализдерин тапшырып, бардык документтерди өз убагында бергенбиз. Бул семинар бизге кайрадан дем-күч берди! Биздин мектепте да алма бак жана толук кандуу мектеп алдындагы чарба пайда болушу үчүн бардык күчүбүздү жумшоого аракет кылабыз, ошондой эле бул демилгени ишке ашырууда сиздердин колдооңуздарга абдан ишенебиз».
Мектеп алдындагы чарба — бул балдарды жаңы азык-түлүктөр менен камсыз кылууга, күнүмдүк ысык тамакты байытууга жана өсүп келе жаткан муундун ден соолугун чыңдоого жардам берген натыйжалуу жана жеткиликтүү курал!
Инстаграм видеосу
Кыргыз Республикасындагы Гуд Нейборст Филиалы 2024-жылдагы "National Testing" долбоорун жыйынтыктады, анын алкагында акыркы этап 11-класстын окуучуларын өлкөнүн 4 аймагында пост-тестирлөө болгонун кубаныч менен кабарлайбыз.
Долбоордун алкагында пост тестирлөө процесси мектеп окуучуларына 3 айлык окутуунун жана жалпы республикалык тесттине (ЖРТ) даярдоонун процессинин натыйжалуулугун талдоо үчүн зарыл. Бул окуутуну кесипкөйлөр тобу жүргүзгөн.
Филиал билим берүү тармагын өнүктүрүүгө активдүү катышкан мектептердин окуучулары жакшы балл алып, жогорку окуу жайларга тапшыра алышат деп ишенебиз.
Гуд Нейборс филиалы «Good Mama-2024» долбоорунун алкагында ФАПтардын медициналык кызматкерлери жана АДК үчүн "Кош бойлууларга антенаталдык жана төрөттөн кийинки кам көрүү" темасы боюнча өлкөнүн 4 аймагында эки күндүк тренингдерди уюштурду.
Максаты: кош бойлуу аялдарга сапаттуу жардам көрсөтүү боюнча билим жана көндүмдөрдү жогорулатуу.
Катышуучулар:
- эскертүү белгилери, физиологиялык өзгөрүүлөр, Эмгек жана эс алуу режими, тамактануу, эмчек эмизүү жана үй-бүлөнү пландаштыруу жөнүндө билим алышты;
-дене салмагынын индексин эсептөөнү, кан басымды, жатындын бийиктигин өлчөөнү, импульстук оксиметрди жана УЗИ аппаратын колдонууну үйрөнүштү.
Экинчи күн:
- эмчек рагын эрте аныктоо жана скрининг боюнча практикалык көндүмдөр;
- аялдардын өзүн өзү текшерүүгө үйрөтүү.
Аймактардагы демилгелерибиз аркылуу кош бойлуу аялдарга жана жаңы төрөлгөн балдарга жагымдуу шарттар түзүлөт деп үмүттөнөбүз.
*ФАП - Фельдшердик-акушерлик пункт
*АДК - Айылдык ден соолук комитеттери
Кыргыз Республикасындагы "Гуд Нейборс" Филиалы Тоң районунун Болот Мамбетов Айыл аймагында картошканын элиталык сортторун өстүрүү боюнча долбоор акыркы 3 жылы аралыгында (2022-2024) жемиштүү иш алып бара жаткандыгын кубануу менен бөлүшөт.
Бул жылы кооператив баалуу билим жана тажырыйбадан сырткары, иш аракетин эффективдүү алып баруусу үчүн керектүү техникалык жабдуулар менен камсыз болду. Проекттин алкагында дыйкандардын чөйрөсү кеңейди.
Алдыда дагы албан-албан пландарыбыз бар! Өнөктөштөрүбүзгө жагымдуу аба-ырайын жана мол түшүм каалайбыз!
Долбоордун жетишкендиктери:
- 3 жыл аралыгынла ийгиликти ишке ашырылуусу;
- Дыйканндардын камтылуусун арттыруу;
- Кооперативдин керектүү жабдуулар менен камыз болуусу;
- Картошка өндүрүшүнүн натыйжалуулугун жогорулатуу.
Келечектеги максаттар:
- Долбооодун дагы өнүгүүсү;
- Дыйкандардын бакубаттуулугун жогорулатуу;
- Аймакта тамак-аш коопсуздугун камсыздоо.
Бардык өнөктөштөргө дага долболодун катышуучуларына жасап жаткан салымына ыраазычылык билдиребиз.
Алдыдагы жетишкендиктерди чыдамсыздык менен күтөөбүз!