КӨҢҮЛ БУРУҢУЗДАР! ТЕНДЕРЛЕР!
1. Коммерциялык сунуштарды суроо: Коргон айылындагы Фельдшердик-акушердик пункттун (ФАП) иштөө шарттарын жакшыртуу боюнча курулуш материалдарын сатып алуу, жеткирүү жана курулуш-монтаждоо иштерин аткаруу
Долбоор жөнүндө:
Жалал-Абад облусунун Токтогул районундагы Коргон айылындагы ФАПтын инфраструктурасын оңдоо жана жаңыртуу. Долбоор курулуш материалдарын сатып алууну жана жеткирүүнү, курулуш-монтаждоо иштерин аткарууну (полду, эшиктерди, терезелерди алмаштыруу, жалюзи орнотуу, фасадды, чатырды, жылытуу системасын оңдоо, металл тосмо менен дарбаза куруу жана аймакты көрктөндүрүү), ошондой эле таштандыларды тазалап, объектти тапшырууну камтыйт.
Коммерциялык сунуштарды тапшыруунун акыркы мөөнөтү: 2026-жылдын 15-сентябры, саат 17:30 (18:00)
Толугураак маалыматты tenders.kg сайтынан 08.09.2026-жылдагы №31683 «Коммерциялык сунуштарды суроо: Коргон айылындагы Фельдшердик-акушердик пункттун (ФАП) иштөө шарттарын жакшыртуу боюнча курулуш материалдарын сатып алуу, жеткирүү жана курулуш-монтаждоо иштерин аткарууга КП суроо» жарыясынан караңыз.
2. Конкурс: Мектеп столовойунун шарттарын жакшыртуу үчүн курулуш материалдарын сатып алуу жана жеткирүү
Долбоор жөнүндө:
Чүй облусунун Сокулук районундагы Нижне-Чуйское айылындагы Абсамат Масалиев атындагы орто мектебинин столовойун оңдоо үчүн курулуш материалдары менен камсыздоо (мектепте 813 окуучу жана 46 кызматкер бар). Милдеттерге полду, вентиляция системасын, дубалдарды оңдоо жана сырдоо, суу агуучу системаны жана жарыктандырууну жакшыртуу үчүн сапаттуу материалдарды сатып алуу, жеткирүү жана түшүрүү кирет.
Коммерциялык сунуштарды тапшыруунун акыркы мөөнөтү: 2026-жылдын 18-сентябры, саат 17:30
Толугураак маалыматты tenders.kg сайтынан 08.09.2026-жылдагы №31666 «Конкурс: Мектеп столовойунун шарттарын жакшыртуу үчүн курулуш материалдарын сатып алуу жана жеткирүү» жарыясынан караңыз.
3. Тендер: Суу өткөрүүчү курулма үчүн түтүктөрдү жана бетон шакектерди жеткирүү
Долбоор жөнүндө:
«Эшперов айылындагы сел коркунучун азайтуу» долбоорунун алкагында Ысык-Көл облусунун Тоң районундагы Эшперов айылынын «Теш» тилкесиндеги суу өткөрүүчү узел үчүн сапаттуу курулуш материалдарын (түтүктөрдү жана бетон шакектерди) сатып алуу жана жеткирүү. Максаты — сугат жана сел сууларын коопсуз бургулоо жана жергиликтүү инфраструктураны коргоо. Жеткирүү мөөнөтү — 2026-жылдын сентябрь айы. Сунуштар чапталган конвертте гана кабыл алынат.
Коммерциялык сунуштарды тапшыруунун акыркы мөөнөтү: 2026-жылдын 21-сентябры, саат 17:00 (17:30)
Толугураак маалыматты tenders.kg сайтынан 08.09.2026-жылдагы №31660 «Тендер: Суу өткөрүүчү курулма үчүн түтүктөрдү жана бетон шакектерди жеткирүү» жарыясынан караңыз.
2026-жылдын 2-октябрында этникалык корейлерге офтальмологиялык жардам көрсөтүү боюнча биргелешкен долбоордун алкагында Good Neighbors Kyrgyz Republic уюмунун директорунун жана Корея Эл аралык Саламаттыкты сактоо Фондунун (KOFIH) өкүлүнүн Кыргызстанга жумушчу жолугушуусу жана мониторингдик сапары болуп өттү.
Сапардын негизги максаты — Бишкек шаарында жана Чүй облусунда жашаган улуу курактагы этникалык корейлерди акысыз диагностикалоого жана офтальмологиялык дарылоого багытталган биргелешкен демилгенин аралык жыйынтыктарына комплекстүү баа берүү болду.
Биргелешкен жолугушуунун жүрүшүндө долбоордук команда аткарылган иштердин жыйынтыктарын — баштапкы кароолордун, диагностикалык процедуралардын жана жасалган операциялардын көлөмүн сунуштап, демилгени андан ары ишке ашыруу пландарын талкуулашты.
Мониторинг программасынын алкагында өнөктөш «Кудрет Көз» клиникасына баруу уюштурулуп, KOFIH өкүлү жана Good Neighbors уюмунун директору клиниканын материалдык-техникалык базасы, бейтаптардын дарылануу шарттары жана көрсөтүлүп жаткан медициналык жардамдын сапаты менен таанышып, медициналык кызматкерлер менен биргелешкен иштин динамикасын талкуулашты.
Долбоордун бенефициарлары менен түз диалогго өзгөчө көңүл бурулду: өкүлдөр дарылоодон жана операциядан өткөн улуу курактагы этникалык корейлер менен жеке баарлашып, алардан пикирлерди алышты жана долбоордун алардын көрүүсүн сактоого ачык эле жашоо сапатын жакшыртууга кошкон реалдуу салымын баалашты.
Эмне үчүн өз кесибине берилген мугалимдер да чарчап, мектепти таштап кетишет?
Сапаттуу билим берүү негизги шарттарсыз мүмкүн эмес. Бирок алыскы аймактарда алар көбүнчө жок: Мектепте компьютер жок болсо, балдарга компьютердик сабаттуулукту кантип үйрөтүү керек? Таза суу, гигиена жана ысык тамак сыяктуу жөнөкөй муктаждыктар чечилбесе, кантип окутууга болот?
Мугалим — ар бирибизге окшош эле инсан, анын да эмоционалдык ресурсу жана чеги бар. Ал эми негизги шарттардын жоктугу окутуунун натыйжалуулугун төмөндөтүп, мугалимдердин чарчап-кетишине алып келет.
Дал ушул себептен биз, Good Neighbors Kyrgyz Republic уюму, четте калбайбыз! Мугалимдер жана балдар үчүн ишенимдүү таяныч түзүү максатында биз: Компьютердик класстарды (STEM) жабдыйбыз; Ичүүчү суу чыпкаларын (фильтр) орнотуп, заманбап санитардык түйүндөрдү курабыз; Мектептеги дени сак тамактанууну уюштуруп, мектеп жанындагы бакчаларды өнүктүрөбүз; Мугалимдер жана окуучулар үчүн тренингдерди өткөрөбүз; Аймактарга квалификациялуу адистерди жана жабдууларды алып барып, медициналык кароолорду уюштурабыз; Билим берүү чөйрөсүн системалуу түрдө чыңдайбыз.
Урматтуу мугалимдер жана билим берүү тармагынын кызматкерлери!
Сиздерди майрамыңыздар менен чын жүрөктөн куттуктайбыз! Сиздердин кайратыңыздарга, сабырдуулугуңуздарга жана баа жеткис эмгегиңиздерге ыраазычылык билдиребиз. Бул жолдо сиздерге жөлөк болуп, жаныңыздарда жүргөнүбүзгө кубанычтабыз.
Билим берүү кызматкерлеринин күнү жана Бүткүл дүйнөлүк мугалимдер күнү менен!
Инстаграм видеосу
1. Тендер: Кош бойлуу аялдар үчүн төрөтканага керектелүүчү баштыктарды сатып алуу, комплекттөө жана жеткирүү
Долбоор жөнүндө: «GOOD MAMA» долбоорунун алкагында кош бойлуу аялдар үчүн 200 даяр комплектти (төрөткана баштыктарын) сатып алуу, комплекттөө жана жеткирүү. Долбоор 4 пилоттук регионду (Чүй, Ысык-Көл, Жалал-Абад жана Ош облустары) камтыйт жана аялдар менен жаңы төрөлгөн ымыркайларды зарыл болгон санитардык-гигиеналык каражаттар жана биринчи керектелүүчү буюмдар менен камсыз кылууга багытталган.
Тапшыруунун акыркы мөөнөтү: 2026-жылдын 12-октябры, саат 17:00гө чейин
Тапшыруу ыкмасы: «сумки в роддом GOOD MAMA» деген милдеттүү белгиси бар А4 форматындагы конвертте кагаз түрүндөгү билдирме төмөнкү дарек боюнча кабыл алынат: Бишкек ш., Иманалы Айдарбеков көч., 6 (2-кабат, «Элдик» имараты, административдик бөлүм).
Кеңири маалыматты tenders.kg сайтынан №32017 «Закуп, комплектация и доставка сумок в роддом для беременных женщин» номери астынан караңыздар (жарыяланган күнү: 30.09.2026-ж.).
2. Конкурс: «Менин үнүм – биздин келечек» фестивалын уюштуруу жана өткөрүү боюнча экспертти тартууга
Долбоор жөнүндө: «Балдардын үнү» (Voices of Children) долбоорунун алкагында Бишкек шаарында массалык фестивалды (кеминде 300 катышуучу: балдар, ата-энелер, педагогдор, ЖӨББ жана мамлекеттик түзүмдөрдүн өкүлдөрү) уюштуруу жана өткөрүү. Иш-чара баланын укуктары, балдарды зомбулуктан коргоо, балдардын катышуусун илгерилетүү жана коомчулуктар менен мамлекеттик органдардын ортосундагы өз ара аракеттенүүнү чыңдоо боюнча калктын маалымдуулугун жогорулатууга багытталган.
Коммерциялык сунуштарды тапшыруунун акыркы мөөнөтү: 2026-жылдын 12-октябры, саат 19:00гө чейин
Тапшыруу ыкмасы: «Эксперт по проведению фестиваля» деген белгиси менен administration@goodneighbors.kg электрондук почтасына
Кеңири маалыматты tenders.kg сайтынан №32050 «На привлечение эксперта по организации и проведению фестиваля «Менин үнүм – биздин келечек»» номери астынан караңыздар (жарыяланган күнү: 02.10.2026-ж.).
3. Конкурс: Форум-театр, куурчак спектаклдерин жана маданий-агартуу иш-чараларын өткөрүү боюнча фасилитаторду тартууга
Долбоор жөнүндө: «Балдардын үнү» долбоорунун алкагында 4 максаттуу коомчулукта (Ош, Жалал-Абад, Чүй жана Ысык-Көл облустары) 256 катышуучу (мектеп жашындагы жана мектепке чейинки жаштагы балдар, ата-энелер жана педагогдор) үчүн интерактивдүү форум-театрларды, куурчак спектаклдерин жана балдар сүрөттөрүнүн конкурсун өткөрүү. Иш-чаралар баланын укуктарын үйрөтүүгө, буллингдин жана зомбулуктун алдын алууга, ошондой эле жардам сурап кайрылуу көндүмдөрүн калыптандырууга багытталган.
Коммерциялык сунуштарды тапшыруунун акыркы мөөнөтү: 2026-жылдын 12-октябры, саат 20:00гө чейин
Тапшыруу ыкмасы: «Фасилитатор по форум театрам и кукульным театрам» деген белгиси менен administration@goodneighbors.kg электрондук почтасына
Кеңири маалыматты tenders.kg сайтынан №32051 «На привлечение фасилитатора по проведению форум-театра, кукольных представлений и культурно-просветительских мероприятий» номери астынан караңыздар (жарыяланган күнү: 02.10.2026-ж.).