КӨҢҮЛ БУРУҢУЗДАР! ТЕНДЕРЛЕР!
1. Сынак: «3–6 жаштагы балдар үчүн тиш щеткаларын жана пасталарын жеткирүү»
Долбоор жөнүндө: Чүй, Ысык-Көл, Жалал-Абад жана Ош облустарындагы 20 максаттуу бала бакчанын балдарын ооз көңдөйүнүн жеке гигиеналык каражаттары менен камсыздоо. Долбоор 3–6 жаштагы балдар үчүн 1 754 даана тиш щеткасын жана 1 754 даана тиш пастасын сатып алууну, ташууну жана түшүрүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Поставка детских зубных щеток и паст» (3–6 жаштагы балдар үчүн тиш щеткаларын жана пасталарын жеткирүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31764 «Сынак: 3–6 жаштагы балдар үчүн тиш щеткаларын жана тиш пасталарын сатып алуу жана жеткирүү» номери астынан караңыздар.
2. Сынак: «Мектепке чейинки курактагы балдар үчүн «Эмне үчүн тишти тазалоо маанилүү?» деген темада интерактивдүү программа өткөрүү»
Долбоор жөнүндө: Сокулук, Тон, Токтогул райондорунун жана Ош шаарынын бала бакчаларында 3–6 жаштагы балдар үчүн 20 кесипкөй интерактивдүү шоу-программаны (ар бири 1–1.5 сааттан) уюштуруу жана өткөрүү. Милдеттерге программаны иштеп чыгуу, үн аппаратурасы, костюмдар жана реквизиттер менен камсыздоо, ошондой эле жер-жерлерге чыгуу менен кеминде 4 аниматордон турган команданын иштөөсү кирет.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Проведение интерактивной программы» (Интерактивдүү программаны өткөрүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31767 «Сынак: Мектепке чейинки курактагы балдар үчүн «Эмне үчүн тишти тазалоо маанилүү?» деген темада интерактивдүү программа өткөрүү» номери астынан караңыздар.
3. Сынак: «Бала бакча тарбиячыларын ооз көңдөйүнүн гигиенасы боюнча окутуу үчүн медициналык билими бар тренердин кызмат көрсөтүүлөрү»
Долбоор жөнүндө: 20 максаттуу бала бакчанын 110 тарбиячысы үчүн 3 сааттык практикалык тренингдерди өткөрүүгө медициналык билими бар квалификациялуу адисти тартуу. Программа окутуу жана презентациялык материалдарды иштеп чыгууну, окутууга чейинки жана кийинки билимди баалоону, ошондой эле жаактын кесипкөй макетин колдонуу менен тишти туура тазалоо техникасын практикалык көрсөтүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Тренинг для воспитателей детских садов по вопросам гигиены полости рта» (Бала бакча тарбиячылары үчүн ооз көңдөйүнүн гигиенасы боюнча тренинг) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31768 «Сынак: Бала бакча тарбиячыларын ооз көңдөйүнүн гигиенасы боюнча окутууну өткөрүү үчүн медициналык билими бар тренердин кызмат көрсөтүүсү» номери астынан караңыздар.
4. Сынак: «Сантехникалык жана курулуш материалдарын сатып алуу»
Долбоор жөнүндө: Сокулук районунун А. Токомбаев атындагы орто мектебинин (Камышановка айылы) жана Нижне-Чуйский мектебинин (Мирнин айылы) 1 060 окуучусу жана кызматкери үчүн "Суу, санитария, гигиена (WASH)" долбоорунун алкагында санитардык-гигиеналык инфраструктураны жакшыртуу. Долбоор соргуч (насос) жабдууларын, суу ысыткычтарды, аралаштыргычтарды (смеситель), түтүктөрдү, электр буюмдарын жана курулуш материалдарын сатып алууну, ташууну жана түшүрүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 27-сентябры, саат 17:30га чейин
Тапшыруу ыкмасы: «Материалы WASH для школ с. Камышановка и с. Мирное» (Камышановка айылы жана Мирное айылындагы мектептер үчүн WASH материалдары) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 15.09.2026-жылдагы №31784 «Сынак: Сантехникалык жана курулуш материалдарын сатып алуу» номери астынан караңыздар.
Кыргызстандагы Гуд Нейборс уюмунун "Girls football club 2023" долбоору футболдогу кыздарды колдоо миссиясын улантууда.
Кэчее, 6-октябрь 2023-жылы Бишкек шаарындагы "Чемпион" спорт комплексинде Кыргыз Республикасындагы Гуд Нейборс уюму тарабынан ишке ашырылган "Girls football club 2023" долбоорунун алкагында кичи футбол боюнча финалдык этап өттү.
"Girls football club" долбоору алгач 2019-жылы Кыргызстандын үч регионунун өкүлдөрүнүн арасында кичи-футбол боюнча аялдар өспүрүмдөр турнири уюштуруу максатында башталган. Бул жылы долбоор кайрадан улантып, кыздардын спорт жаатындагы мүмкүнчүлүктөрүн жана укуктарын кеңейтүүгө багытталган миссиясын улантууда.
Мелдештин финалдык этабына 6-7-8-класстын кыздарынан турган төрт облустан: Чүй, Ысык-Көл, Жалал-Абад жана Ош облустарынан турган командалардын катышуусу кирет. Ар бири 10 кыздан турган жеңүүчү командалар Бишкек шаарындагы өз аймактарынын атынан чыгып, жеңүүчү наамы үчүн ат салышат.
Турнирдин биринчи этабы 2023-жылдын сентябрында 4 облуста Жамааттарды өнүктүрүү долбоорунун айылдарында өтүп, анда финалдык турнирге чыга турган командалар аныкталган.
"Биз бул долбоор кыздарга атаандаштык иш-чараларга катышууга гана эмес, коомубузда аялдар футболун мындан ары өнүктүрүүгө мүмкүнчүлүк берет деп ишенебиз. Спорт жеке өсүүгө өбөлгө түзөт, ден соолукту чыңдайт жана командада иштөө, урматтоо жана туруктуулук сыяктуу маанилүү баалуулуктарды калыптандырат", - деп белгиледи Кыргыз Республикасындагы Гуд Нейборс директору - Чжун Хонг Су .
Турнир аяктагандан кийин бул маанилүү күнү жеңүүчүлөрдү сыйлоо аземи болуп, ага Кыргызстан аялдар футбол Ассоциациясынын меймандары чакырылат. Биз бул долбоорду колдогон жана анын ийгиликтүү ишке ашырылышына салым кошкон бардык катышуучуларга ыраазычылык билдиребиз. Биздин максат - кыздарды жетишкендиктерге жетүүгө жана өз укуктарын бекемдөөгө шыктандыруу жана колдоо.
2023-жылдын 20 жана 27-июлунда Гуд Нейборс Кыргызстан уюму Ош жана Баткен облустарынын өкүлдөрү менен «Берекелүү аймак» долбоорунун жүрүшүн талкуулоо үчүн жемиштүү жолугушууларды өткөрдү. Талкууга айыл өнүктүрүү башкармалыктарынын, аймактык өнүктүрүү фонддорунун, айыл өкмөттөрүнүн, комитеттердин жана долбоордун өнөктөштөрүнүн жетекчилери активдүү катышты. Жолугушуулар ар бир айылдагы отчеттук иш-чаралар, ишке ашыруу көйгөйлөрүн чечүү, долбоорду алдыга жылдыруу жана 2023-жылдын аягына чейин иш-чараларды пландаштырууга арналды. Долбоордун натыйжалуулугун жогорулатууда фермерлердин жана жергиликтүү тургундардын баалуу пикири да маанилүү роль ойноду. Гуд Нейборс уюму «Берекелуу аймагы» долбоорун ийгиликтүү ишке ашырууга аракет кылып, мындан ары да аткаруу комитетинин жыйындарын жылына эки жолу өткөрүп турат.
*Кыргыз Республикасындагы айылдарды комплекстүү өнүктүрүү долбоору Кыргыз Республикасынын Өкмөтү, Айыл чарба министрлиги жана KOICA менен биргеликте 4 жылдын ичинде 30 айылда жакырчылыкты кыскартууга багытталган. Социал-экономикалык шарттарды жакшыртууга, аялдардын укуктарын илгерилетүүгө, айыл чарбасын туруктуу өнүктүрүүгө жана айылды өнүктүрүү саясатын колдоого багытталган.
2023-жылдын 26-июнунан 30-июнуна чейин Чунгбук университетинин (Корея Республикасы) профессорлору Кыргыз Республикасындагы «Берекелүү аймак» айылдарын комплекстүү өнүктүрүү долбооруна мониторинг жүргүзүү жана баалоо үчүн Кыргызстанга келишти. Алардын иш сапарынын максаты долбоордун натыйжалуулугун жана анын Ош жана Баткен облустарындагы 30 айылда жашаган жамааттардын жашоо шарттарын жакшыртууга тийгизген таасирин баалоо болгон.
Иш сапардын алкагында долбоордун ар кандай объектилерин, анын ичинде өнүктүрүү борборлорун, футбол аянтчаларын, газ жана суу менен камсыздоо системаларын, фельдшердик-акушердик пункттарды, ичүүчү суу резервуарларын, асфальтталган жолдорду жана бала бакчаларды карашты. Профессорлор жергиликтүү фермерлер менен активдүү баарлашып, алардын тажрыйбасын үйрөнүп, Кыргыз Республикасынын айыл чарбасы тууралуу түшүнүк алышты. Мониторингдин жана баалоонун натыйжалары консультациялар жана сунуштар аркылуу долбоорду башкарууда чечүүчү ролду ойноп, долбоордун максаттарына жетишүүгө олуттуу салым кошоору күтүлүүдө.
* Кыргыз Республикасындагы айылдарды комплекстүү өнүктүрүү долбоору Кыргыз Республикасынын Өкмөтү, Айыл чарба министрлиги жана KOICA менен биргеликте 4 жылдын ичинде 30 айылда жакырчылыкты кыскартууга багытталган. Социал-экономикалык шарттарды жакшыртууга, аялдардын укуктарын илгерилетүүгө, айыл чарбасын туруктуу өнүктүрүүгө жана айылды өнүктүрүү саясатын колдоого багытталган.