КӨҢҮЛ БУРУҢУЗДАР! ТЕНДЕРЛЕР!
1. Сынак: «3–6 жаштагы балдар үчүн тиш щеткаларын жана пасталарын жеткирүү»
Долбоор жөнүндө: Чүй, Ысык-Көл, Жалал-Абад жана Ош облустарындагы 20 максаттуу бала бакчанын балдарын ооз көңдөйүнүн жеке гигиеналык каражаттары менен камсыздоо. Долбоор 3–6 жаштагы балдар үчүн 1 754 даана тиш щеткасын жана 1 754 даана тиш пастасын сатып алууну, ташууну жана түшүрүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Поставка детских зубных щеток и паст» (3–6 жаштагы балдар үчүн тиш щеткаларын жана пасталарын жеткирүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31764 «Сынак: 3–6 жаштагы балдар үчүн тиш щеткаларын жана тиш пасталарын сатып алуу жана жеткирүү» номери астынан караңыздар.
2. Сынак: «Мектепке чейинки курактагы балдар үчүн «Эмне үчүн тишти тазалоо маанилүү?» деген темада интерактивдүү программа өткөрүү»
Долбоор жөнүндө: Сокулук, Тон, Токтогул райондорунун жана Ош шаарынын бала бакчаларында 3–6 жаштагы балдар үчүн 20 кесипкөй интерактивдүү шоу-программаны (ар бири 1–1.5 сааттан) уюштуруу жана өткөрүү. Милдеттерге программаны иштеп чыгуу, үн аппаратурасы, костюмдар жана реквизиттер менен камсыздоо, ошондой эле жер-жерлерге чыгуу менен кеминде 4 аниматордон турган команданын иштөөсү кирет.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Проведение интерактивной программы» (Интерактивдүү программаны өткөрүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31767 «Сынак: Мектепке чейинки курактагы балдар үчүн «Эмне үчүн тишти тазалоо маанилүү?» деген темада интерактивдүү программа өткөрүү» номери астынан караңыздар.
3. Сынак: «Бала бакча тарбиячыларын ооз көңдөйүнүн гигиенасы боюнча окутуу үчүн медициналык билими бар тренердин кызмат көрсөтүүлөрү»
Долбоор жөнүндө: 20 максаттуу бала бакчанын 110 тарбиячысы үчүн 3 сааттык практикалык тренингдерди өткөрүүгө медициналык билими бар квалификациялуу адисти тартуу. Программа окутуу жана презентациялык материалдарды иштеп чыгууну, окутууга чейинки жана кийинки билимди баалоону, ошондой эле жаактын кесипкөй макетин колдонуу менен тишти туура тазалоо техникасын практикалык көрсөтүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Тренинг для воспитателей детских садов по вопросам гигиены полости рта» (Бала бакча тарбиячылары үчүн ооз көңдөйүнүн гигиенасы боюнча тренинг) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31768 «Сынак: Бала бакча тарбиячыларын ооз көңдөйүнүн гигиенасы боюнча окутууну өткөрүү үчүн медициналык билими бар тренердин кызмат көрсөтүүсү» номери астынан караңыздар.
4. Сынак: «Сантехникалык жана курулуш материалдарын сатып алуу»
Долбоор жөнүндө: Сокулук районунун А. Токомбаев атындагы орто мектебинин (Камышановка айылы) жана Нижне-Чуйский мектебинин (Мирнин айылы) 1 060 окуучусу жана кызматкери үчүн "Суу, санитария, гигиена (WASH)" долбоорунун алкагында санитардык-гигиеналык инфраструктураны жакшыртуу. Долбоор соргуч (насос) жабдууларын, суу ысыткычтарды, аралаштыргычтарды (смеситель), түтүктөрдү, электр буюмдарын жана курулуш материалдарын сатып алууну, ташууну жана түшүрүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 27-сентябры, саат 17:30га чейин
Тапшыруу ыкмасы: «Материалы WASH для школ с. Камышановка и с. Мирное» (Камышановка айылы жана Мирное айылындагы мектептер үчүн WASH материалдары) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 15.09.2026-жылдагы №31784 «Сынак: Сантехникалык жана курулуш материалдарын сатып алуу» номери астынан караңыздар.
«Эми биз алган билимибизди балдарга берүүгө даярбыз!» — ЖРТга даярдоо боюнча тренингдин катышуучулары таасирлери менен бөлүшүштү
Математика, кыргыз тили жана орус тили мугалимдери үчүн Жалпы республикалык тестирлөөгө (ЖРТ) даярдоо боюнча үч күндүк окутуу курсу аяктады.
Иш-чара Кыргыз Республикасындагы Good Neighbors уюму тарабынан Билим берүүнү баалоо жана окутуу усулдары борбору (ББОУБ) менен өнөктөштүктө ишке ашырылды.
Тренингдин катышуучулары алынган билимдин практикалык маанилүүлүгүн жана окутуунун жогорку деңгээлин белгилешти:
«Биз окуучуларыбызды ЖРТга даярдоонун багыттарын жана жолдорун тереңирээк үйрөндүк. Үч күндүн ичинде күткөн нерселерибиздин баарын алдык. Эми алган билимибизди балдарга өткөрүп берүүгө даярбыз жана билим берүүнүн сапатын көтөрүүгө өз салымыбызды кошот деп ишенебиз!»
Инстаграм видеосу
«Ушундай семинарлар мугалимдерге окуучулардын муктаждыктарын жакшыраак түшүнүүгө жардам берет» — ЖРТга даярдоо боюнча үч күндүк тренингдин жыйынтыгы
Бишкек шаарында Ысык-Көл, Чүй, Жалал-Абад жана Ош облустарынын мектептеринен келген математика, кыргыз тили жана орус тили сабактары боюнча 69 мугалим үчүн интенсивдүү квалификацияны жогорулатуу программасы аяктады.
«Enhancing Teachers’ Qualifications for General Republican Testing Preparation» (Мугалимдердин Жалпы республикалык тестирлөөгө даярдоо боюнча квалификациясын жогорулатуу) долбоору Кыргыз Республикасындагы Good Neighbors уюму тарабынан Билим берүүнү баалоо жана окутуу усулдары борбору (ББОУБ) @ort_ceatm_official менен биргеликте ишке ашырылды.
Үч күн бою педагогдор алдыңкы эксперттер менен бирге ЖРТнын татаал тапшырмаларын, бүтүрүүчүлөр көп кетирген каталар менен иштөө усулдарын жана окуучулардын логикалык дагы, критикалык дагы ой жүгүртүүсүн өстүрүү жолдорун талдашты. Катышуучулар иш үчүн практикалык куралдарды жана курсту аяктагандыгы тууралуу сертификаттарды алышты.
Окутуунун жыйынтыктары жана биргелешкен иш боюнча таасирлери менен ББОУБ директору Батракеева Чынара Эбишовна бөлүштү:
«Мугалимдер тесттердин кылдат жактарын деталдуу изилдеп, окуучулардын жыйынтыктарын анализдеп, негизги компетенттүүлүктөргө басым жасоону үйрөнүштү. Биз катышуучулардан абдан жакшы кайтарым байланыш алдык жана балдардын сапаттуу билим алуусу үчүн Good Neighbors менен кызматташуубуз андан ары да кеңейе берет деп ишенебиз!»
Инстаграм видеосу
Бишкек шаарында Ысык-Көл, Жалал-Абад, Чүй жана Ош облустарынын мектептеринен келген математика, орус жана кыргыз тили предметтери боюнча 69 мугалим үчүн үч күндүк окутуу тренинги ийгиликтүү өттү.
Иш-чара Билим берүүнү баалоо жана окутуу усулдары борбору (ББОУБ) @ort_ceatm_official менен биргеликте «Enhancing Teachers’ Qualifications for General Republican Testing Preparation» долбоорунун алкагында уюштурулду.
Программа бүтүрүүчүлөрдү Жалпы республикалык тестирлөөгө (ЖРТ) натыйжалуу даярдоо үчүн мугалимдердин кесиптик компетенттүүлүгүн жогорулатууга багытталган. Үч күндүк жигердүү иштин жүрүшүндө катышуучулар тажрыйбалуу эксперттер (Исмаилов Фархад, Оморов Азамат, Матохина Татьяна) менен бирге ЖРТнын түзүмүн жана тапшырмаларын майда-чүйдөсүнө чейин талдап, окуучулардын логикалык жана аналитикалык ой жүгүртүүсүн өстүрүүнүн заманбап ыкмаларын өздөштүрүштү, ошондой эле окуу-методикалык материалдардын топтомун жана курсту аяктагандыгы тууралуу сертификаттарды алышты.
Мугалимдердин потенциалын чыңдоо — бул Good Neighbors уюмунун сапаттуу жана жеткиликтүү билим берүүнү камсыздоого, ошондой эле Кыргыз Республикасынын жаштарынын келечеги үчүн жаңы мүмкүнчүлүктөрдү түзүүгө кошкон маанилүү салымы.
Инстаграм видеосу