КӨҢҮЛ БУРУҢУЗДАР! ТЕНДЕРЛЕР!
1. Коммерциялык сунуштарды суроо: «Теңтуш теңтушка» методологиясы, форум-театр жана куурчак театрын колдонуу боюнча тренерлер үчүн тренинг (ToT) өткөрүү
Долбоор жөнүндө:
4 пилоттук региондо (Ош, Жалал-Абад, Чүй, Ысык-Көл областтары) лидер-балдарды (13–17 жаштагы 43 өспүрүм), социалдык педагогдорду, мектеп психологдорун жана социалдык кызматкерлерди (41 адис) даярдоо. Долбоор «Теңтуш теңтушту окутат» мамилеси жана интерактивдүү театр методикалары аркылуу баланын укуктарын илгерилетүүгө, зомбулукту, буллингди жана дискриминацияны алдын алууга, ошондой эле жардам суроо көндүмдөрүн калыптандырууга багытталган.
Коммерциялык сунуштарды тапшыруунун акыркы мөөнөтү: 2026-жылдын 28-сентябры, саат 18:00гө чейин
Тапшыруу ыкмасы: «ТОТ по методологии «Равный равному» и применению форум-театра и кукольного театра» («Теңтуш теңтушка» методологиясы, форум-театр жана куурчак театрын колдонуу боюнча ТОТ) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 16.09.2026-жылдагы №31826 «Коммерциялык сунуштарды суроо: Баланын укуктарын илгерилетүү, зомбулукту алдын алуу жана балдар арасында жардам суроо көндүмдөрүн калыптандыруу үчүн «Теңтуш теңтушка» методологиясы, форум-театр жана куурчак театрын колдонуу боюнча тренерлер үчүн тренинг (ToT) өткөрүү» номери астынан караңыздар.
2. Коммерциялык сунуштарды суроо: «Good Mama» долбоору боюнча маалыматтык-билим берүү материалдарын жаңыртуу жана эки күндүк окутуу иш-чараларын өткөрүү
Долбоор жөнүндө:
Медицина кызматкерлери, Айылдык ден соолук комитеттеринин (АДК) мүчөлөрү, кош бойлуу аялдар жана алардын жолдоштору үчүн маалыматтык-билим берүү материалдарын (эстеткичтер, жумушчу дептерлер, колдонмолор) актуалдаштыруу жана дизайнын иштеп чыгуу. Ошондой эле коопсуз кош бойлуулук, тамактануу, эмчек эмизүү жана баланы багуу боюнча билимин жогорулатууга багытталган 4 пилоттук региондогу (Ош, Жалал-Абад, Чүй, Ысык-Көл областтары) 40 медкызматкер/АДК мүчөсү жана жолдоштору менен 200 кош бойлуу аял үчүн эки күндүк интерактивдүү тренингдерди өткөрүү.
Коммерциялык сунуштарды тапшыруунун акыркы мөөнөтү: 2026-жылдын 28-сентябры, саат 17:00гө (18:00) чейин
Тапшыруу ыкмасы: «По проекту GOOD MAMA» (GOOD MAMA долбоору боюнча) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 16.09.2026-жылдагы №31827 «Коммерциялык сунуштарды суроо: Медицина кызматкерлери, Айылдык ден соолук комитеттеринин (АДК) мүчөлөрү, кош бойлуу аялдар жана алардын жолдоштору үчүн маалыматтык-билим берүү материалдарын жаңыртуу жана эки күндүк окутуу иш-чараларын өткөрүү» номери астынан караңыздар.
3. Коммерциялык сунуштарды суроо: Комплекстүү медициналык кароо жана андан кийинки медициналык жардам
Долбоор жөнүндө:
Бишкек шаарындагы долбоордун 30 бенефициары үчүн комплекстүү медициналык кароону (Check-up) жана андан кийинки дарылоону/медицинско коштоону камсыз кылуу. Программа алгачкы кароону, лабораториялык жана инструменталдык изилдөөлөрдү (УЗИ, ЭКГ ж.б.), профилдик адистердин консультацияларын, ошондой эле медициналык көрсөтмөлөр болгон учурда терапиялык же хирургиялык дарылоону жекече дайындоону камтыйт.
Коммерциялык сунуштарды тапшыруунун акыркы мөөнөтү: 2026-жылдын 28-сентябры, саат 17:30га (18:00) чейин
Тапшыруу ыкмасы: «Оказание медицинских услуг» (Медициналык кызматтарды көрсөтүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 18.09.2026-жылдагы №31871 «Коммерциялык сунуштарды суроо: Комплекстүү медициналык кароо жана андан кийинки медициналык жардам» номери астынан караңыздар.
1. Коммерциялык сунуштарды суроо: «Тең-теңи менен» тренингин өткөрүү боюнча колдонмону жаңылоо жана актуалдаштыруу
Долбоор жөнүндө:
Өспүрүмдөр үчүн «Менин укуктарым» жана «Өспүрүмдөр арасындагы зомбулуктун алдын алуу» темалары боюнча колдонмонун мазмунун актуалдаштыруу. Долбоор колдонуудагы версияны талдоону, методологиялык бөлүктү, окуу материалдарын, көнүгүүлөрдү жана кейстерди Кыргыз Республикасынын мыйзамдарына, БУУнун Балдардын укуктары жөнүндө конвенциясына, балдарды коргоо, гендердик теңчилик жана инклюзия принциптерине ылайык кыргыз жана орус тилдеринде жаңылоону камтыйт. Колдонмонун акыркы көлөмү: 50дөн 90 баракка чейин. Жумуштарды аткаруу мөөнөтү — 2026-жылдын 30-сентябрына чейин.
Коммерциялык сунуштарды тапшыруунун акыркы мөөнөтү: 16-сентябрь, 2026-жыл, саат 19:00
Кененирээк маалыматты tenders.kg сайтынан 03.09.2026-жылдагы №31604 «Коммерциялык сунуштарды суроо: «Тең-теңи менен» тренингин өткөрүү боюнча колдонмону жаңылоо жана актуалдаштыруу» номери астынан караңыздар.
2. Коммерциялык сунуштарды суроо: Мектепке чейинки жана мектеп курагындагы балдар үчүн куурчак спектаклдерин жана форум-театр иш-чараларын уюштуруу жана өткөрүү боюнча методикалык колдонмону иштеп чыгуу
Долбоор жөнүндө:
Коопсуз жана инклюзивдүү чөйрөнү түзүүгө багытталган «Балдардын үнү» долбоорунун алкагында практикалык методикалык колдонмону иштеп чыгуу. Аткаруучу методиканы, баалоо куралдарын, кыргыз жана орус тилдеринде куурчак спектаклдеринин кем эмес 5 сценарийин (5–6 жаштагы балдар үчүн) жана форум-театрдын кем эмес 5 сценарийин (10–17 жаштагы балдар үчүн) даярдашы керек. Колдонмо мугалимдерге, психологдорго жана социалдык педагогдорго арналган. Болжолдуу аткаруу мөөнөтү — келишимге кол коюлган күндөн тартып 30 күн.
Коммерциялык сунуштарды тапшыруунун акыркы мөөнөтү: 16-сентябрь, 2026-жыл, саат 19:00
Кененирээк маалыматты tenders.kg сайтынан 03.09.2026-жылдагы №31608 «Коммерциялык сунуштарды суроо: Мектепке чейинки жана мектеп курагындагы балдар үчүн куурчак спектаклдерин жана форум-театр иш-чараларын уюштуруу жана өткөрүү боюнча методикалык колдонмону иштеп чыгуу» номери астынан караңыздар.
4-сентябрда Ош шаарында БУУнун Дүйнөлүк азык-түлүк программасы (БУУ ДАТП) Корея Эл аралык Кызматташтык Агенттиги (KOICA), КР Агартуу министрлиги, КР Саламаттыкты сактоо министрлиги жана Good Neighbors Kyrgyz Republic уюму менен биргеликте Кыргызстандын түштүк аймактарындагы мектеп өкүлдөрү үчүн мектептеги суу менен камсыздоо, санитария жана гигиена (WASH) боюнча практикалык семинар өткөрдү.
Ош шаарындагы семинар 28-августта Бишкек шаарында башталган демилгенин уландысы болуп, Ош, Жалал-Абад жана Баткен облустарынын мектеп директорлорун, педагогдорун, ошондой эле мектептеги саламаттыкты сактоо жана суу менен камсыздоо, санитария жана гигиена (WASH) комитеттеринин өкүлдөрүн бириктирди.
Семинардын башкы максаты мектеп администрацияларына таза суу, санитария жана гигиена (WASH) чараларын киргизүү боюнча практикалык колдонмону жана маалыматтык-билим берүү материалдарын (буклеттерди жана плакаттарды) тапшыруу болду.
Мектептерде суу менен камсыздоо, санитария жана гигиена (WASH) багытын өнүктүрүү эмнелерди камтыйт?
🔹 Коопсуз таза сууга жана сапаттуу санитардык шарттарга жеткиликтүүлүк.
🔹 Кол жуу үчүн ыңгайлуу жайлар жана тамактануу гигиенасынын эрежелерин сактоо.
🔹 Бардык балдар, анын ичинде майыптыгы бар балдар үчүн инклюзивдүү, жеткиликтүү жана ыңгайлуу чөйрөнү түзүү.
Өлкөнүн бардык аймактарында таза суу, санитария жана гигиена (WASH) чараларын жайылтуу - ар бир бала үчүн коопсуз, дени сак жана инклюзивдүү чөйрөнү түзүүгө кошкон бирдиктүү салымыбыз!
2026-жылдын 25-августунда Котормо айылындагы К. Чокоев атындагы мектептин базасында «Green Schools for Healthy Nutrition» долбоорунун алкагында «Good Neighbors Kyrgyz Republic» филиалы тарабынан уюштурулган «Мектептерде туура тамактанууну уюштуруу» деген темада практикалык семинар өттү.
Үч-Терек жана Бел-Алды аймактарынан келген мектеп директорлору мектеп алдындагы чарбаны түзүүнүн ийгиликтүү тажрыйбасын үйрөнүү үчүн чогулушту: алма, жашылчаларды, ал тургай банан менен лимонду өстүрүүдөн баштап, бир сезондо эки жолу түшүм алууга жана аны сактоо үчүн атайын жер төлөнү курууга чейинки тажрыйбалар менен таанышышты.
Семинардын катышуучусу менен маек:
Мукаш Жамгырканов атындагы мектептин директору Шарипова Жазгүл Үчбаевна өзүнүн таасирлери жана мектеп алдындагы участогун өнүктүрүү пландары менен бөлүштү:
«Бүгүн биз семинарга катышып, абдан чоң таасир алдык. Биздин мектеп буга чейин эле алма бак тигүү боюнча Garden долбоорун ишке ашырууга аракет кылган: ылайыктуу жерлерди даярдап, кыртыштын анализдерин тапшырып, бардык документтерди өз убагында бергенбиз. Бул семинар бизге кайрадан дем-күч берди! Биздин мектепте да алма бак жана толук кандуу мектеп алдындагы чарба пайда болушу үчүн бардык күчүбүздү жумшоого аракет кылабыз, ошондой эле бул демилгени ишке ашырууда сиздердин колдооңуздарга абдан ишенебиз».
Мектеп алдындагы чарба — бул балдарды жаңы азык-түлүктөр менен камсыз кылууга, күнүмдүк ысык тамакты байытууга жана өсүп келе жаткан муундун ден соолугун чыңдоого жардам берген натыйжалуу жана жеткиликтүү курал!
Инстаграм видеосу