КӨҢҮЛ БУРУҢУЗДАР! ТЕНДЕРЛЕР!
1. Тендер: Эшперов айылында суу өткөрүүчү курулманы куруу үчүн түтүктөрдү жана бетон шакекчелерди жеткирүү (Ысык-Көл облусу)
Долбоор жөнүндө:
Балдарды, үй-бүлөлөрдү жана жергиликтүү инфраструктураны селден жана ташкындардан коргоо максатында «Эшперов айылында сел коркунучун азайтуу» (Community Mudflow Risk Reduction) долбоорун ишке ашыруу. Строительдик материалдарды (түтүктөрдү жана бетон шакекчелерди) жеткирүү Эшперов айылындагы «Теш» участогунда сугат жана ташкын сууларын селден жабыркаган арыкты айланып өткөрүүчү локалдык суу өткөрүүчү түйүндү куруу үчүн зарыл.
Коммерциялык сунуштарды тапшыруунун акыркы мөөнөтү: 2026-жылдын 6-октябры, саат 17:30га чейин
Тапшыруу ыкмасы: «Поставка труб и бетонных колец для устройства водопропуска, с. Эшперов» деген белгиси менен чапталган конвертте жеке өзү же курьер аркылуу Бишкек ш., Иманалы Айдарбеков (Жаш Гвардия) көч., 6, 2-кабат («Элдик» клиникасынын имараты) дарегине.
Кеңири маалыматты tenders.kg сайтынан №31921 «Поставка труб и бетонных колец для устройства водопропуска» номери астынан караңыздар.
2. Тендер: Котормо айылында күнөскана куруу үчүн материалдар жана курулуш иштери (Жалал-Абад облусу)
Долбоор жөнүндө:
Токтогул районундагы Котормо айылында жайгашкан К. Чоноев атындагы №18 орто мектебинин аймагында аянты 150 м² күнөскананы куруу жана жабдуу. «From Greenhouse to School Canteen: Supporting Healthy Nutrition» долбоору мектеп тамак-ашынын азыктык баалуулугун жогорулатууга, балдарды мезгилден тышкаркы учурда жаңы жашылчалар жана көк чөптөр менен камсыз кылууга, ошондой эле табигый илимдер боюнча практикалык сабактарды өткөрүүгө шарт түзүүгө багытталган.
Коммерциялык сунуштарды тапшыруунун акыркы мөөнөтү: 2026-жылдын 6-октябры, саат 17:30га чейин
Тапшыруу ыкмасы: Милдеттүү түрдө «Оборудование для строительства теплицы» деген белгиси бар А4 форматындагы чапталган конвертте Бишкек ш., Иманалы Айдарбеков көч., 6 (2-кабат, «Элдик» имараты, административдик бөлүм) дарегине.
Кеңири маалыматты tenders.kg сайтынан №31949 «Материалы и строительство теплицы» номери астынан караңыздар.
3. Конкурс: Б. Салаев атындагы №34 мектеп үчүн түстүү принтерлерди сатып алуу (Жалал-Абад облусу)
Долбоор жөнүндө:
Билим берүү чөйрөсүн жакшыртуу максатында Жалал-Абад облусунун Токтогул районундагы Жетиген айылында жайгашкан Б. Салаев атындагы №34 орто мектебин керектүү басып чыгаруучу жабдуулар менен камсыз кылуу. Сатып алуу 3 түстүү көп функциялуу принтерди (3-төө-1) жана 1 түстүү 6 струялуу принтерди (Epson L8058 же ага эквивалентүү) мектепке чейин жеткирүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 5-октябры, саат 18:00гө чейин
Тапшыруу ыкмасы: «Закупка принтеров в школу №34» деген белгиси менен administration@goodneighbors.kg электрондук почтасына
Кеңири маалыматты tenders.kg сайтынан №31958 «Конкурс: закуп цветных принтеров» номери астынан караңыздар.
4. Конкурс: Б. Салаев атындагы №34 мектептин ашканасы үчүн столдорду жана отургучтарды сатып алуу (Жалал-Абад облусу)
Долбоор жөнүндө:
Токтогул районундагы Жетиген айылында жайгашкан Б. Салаев атындагы №34 орто мектебинин ашканасынын шарттарын жакшыртуу. Долбоордун алкагында мектеп ашканасын 12 стол (4 кишилик) жана 48 отургуч (анын ичинде 1–4-класстын окуучулары үчүн ыңгайлуу) менен камсыз кылуу жана аларды мектепке чейин жеткирүү каралган.
Коммерциялык сунуштарды тапшыруунун акыркы мөөнөтү: 2026-жылдын 5-октябры, саат 18:00гө чейин
Тапшыруу ыкмасы: «Закупка столов в школу №34» деген белгиси менен administration@goodneighbors.kg электрондук почтасына
Кеңири маалыматты tenders.kg сайтынан №31959 «Конкурс: Закуп столов и стульев для столовой средней общеобразовательной школы» номери астынан караңыздар.
2022-жылдын 14-октябрында Ош облусунун Ноокат районундагы Борко айылында көп функционалдуу “Өнүгүү борборун” ишке киргизүү аземи болуп өттү.
Ачылыш аземине «Гуд Нейборс Интернэшнл» эл аралык уюмунун Кыргыз Республикасындагы директору Джун Хонг Су, Корея Республикасынын Кыргыз Республикасындагы элчиси Ли Вон Чже, KOICA (Корея Эл аралык Кызматташтык Агенттиги) өкүлчүлүгүнүн директору Ли Жонг Су, Кыргыз Республикасынын Президентинин Ош облусундагы ыйгарым укуктуу өкүлүнүн орун басары Толтоев Эрнис, ошондой эле эки өлкөнүн мамлекеттик кызматкерлери жана долбоордун жетекчилери катышышты.
Борко айылындагы борбордун ачылышынан кийин Чоң-Алай, Араван, Баткен жана Кадамжай райондорунун айылдарында да көп функционалдуу “Өнүгүү борборлору” өз ишин баштады. Белгилей кетсек, жалпысынан Ош жана Баткен облустарынын 30 айылында 30 объектти ишке киргизүү пландалууда.
Өнүктүрүү борборлору KOICA тарабынан каржыланган жана «Гуд Нейборс Интерэшнл» уюму тарабынан Кыргыз Республикасынын Айыл чарба министрлиги менен биргеликте ишке ашырылып жаткан «Кыргыз Республикасындагы айылдарды комплекстүү өнүктүрүү» долбоорунун бир бөлүгү болуп саналат.
Айыл тургундары борборду ар кандай иш-чараларды өткөрүү аркылуу– жолугушуулар, тренингдер, семинарлар, курстар, ийримдер ж.б. өздөрүнүн потенциалын өнуктуруу жана социалдык абалын чыңдоо максатында колдоно алышат. Өнүктүрүү борбору ошондой эле кыска мөөнөттүү бала бакча катары кызмат кылат, бул ата-энелерге балдарын социалдык жана экономикалык иштерге бош убакыт бөлүү үчүн убактылуу тарбиячылардын кароосуна калтырууга мүмкүнчүлүк берет.
2023-жылдан баштап долбоор «Бакча» программасын ишке ашырат (программага шилтеме), ал «Өнүгүү борборлорунда» өткөрүлөт.
Ошол эле учурда Кыргыз Республикасында 2021-жылдын сентябрынан 2025-жылдын декабрына чейин 655 миллион сомдук «Кыргыз Республикасындагы айылдарды комплекстүү өнүктүрүү» долбоору ишке ашырылууда. Долбоор Ош жана Баткен областарынын 10 айыл өкмөтүндөгү 30 айылдын 85 миң тургунуна жардам көрсөтүүгө багытталган.
Кыргыз Республикасындагы «Гуд Нейборс Интернэшнл» эл аралык уюму аялдардын укуктарын жакшыртуу жана алардын мүмкүнчүлүктөрүн кеңейтүү жаатындагы ишин улантууну пландаштырууда.
29-октябрда Алыкул Осмонов атындагы Улуттук китепканада кайрымдуулук жарманкеси өттү. Жарманкеде түрдүү кол өнөрчүлүк, китептер, токочтор жана башкалар көрсөтүлдү. Ошондой эле лотерея ойнотулуп, анда биздин демөөрчүлөр тарабынан баалуу байгелер ойнотулду. Күрөнкеев атындагы мектептин жана «Антре» балет студиясынын жаш таланттары биздин жарманкеге өздөрүнүн эң сонун спектаклдери менен колдоо көрсөтүштү. Баардык катышуучуларга жана демөөрчүлөргө колдоо көрсөткөндүгү үчүн ыраазычылык билдиребиз! Кайрымдуулук жарманкесинде 81720 сом топтодук. Чогулган бардык каражаттар биздин “HOPE” эсебибизге которулду жана Баткен облусунун инфраструктурасын реабилитациялоо долбооруна жумшалат. Биз менен чогуу кылган иштери үчүн бардык ыктыярчыларыбызга ыраазычылык билдиребиз! Жакынкы айларда бизде маанилүү жана кызыктуу окуялар болот, андыктан кабардар болуңуз.
Кайрымдуулук жарманкесиндеги катышкан биздин демөөрчүлөрүбүз:
@cocacola_kyrgyzstan
@sova_macaron
@fermamarket_kg
@baanbaansouth
@koreanbbq.bishkek
@Seoul Kimchi
@avtorskaya_shkola
@eldikfamilymedicineclinic
@karisma_dental
@ken_bog_kun_kafe
@KF Silk Road Project
@kettik.kg
@thekids_bookshop
@morse_bracelet_kg
@ecolifekg
Өткөн жумада Кыргыз Республикасындагы Гуд Нейборс филиалынын директору Талас облусунун мыкты студенттерине стипендия тапшырды. Бул стипендиялык программа Түштүк Кореянын жеке демөөрчүлүгүнүн демилгеси менен ишке ашырылат. Жылына бир жолу Талас шаардык мэриясы окуу жылынын жыйынтыгы менен окууда өзүн эң мыкты көрсөткөн окуучулардын тизмесин түзөт. Жыл сайын муктаж болгон үй-бүлөлөрдүн таланттуу жана акылдуу балдарына стипендия жана сертификаттарды, ошондой эле канцелярдык товарлардын топтомун беребиз. Быйыл 30 студент стипендия алды. Балдар алган сыйлыктарын сарамжалдуу пайдаланып, келечекте Кыргыз Республикасынын билим берүү тармагын өнүктүрүүгө салымын кошот деп ишенебиз.