КӨҢҮЛ БУРУҢУЗДАР! ТЕНДЕРЛЕР!
1. Тендер: Телевизорду (110–115 дюйм), жылма стендди жана презентерди (кликерди) жеткирүү
Долбоор жөнүндө:
Good Neighbors кеңсесинин конференц-залында презентацияларды, тренингдерди, жыйындарды жана видеоконференцияларды өткөрүү үчүн мобилдик дөңгөлөктүү стенди жана зымсыз презентер (кликер) менен кошо кең форматтагы дисплейди/телевизорду (110–115 дюйм, 4K UHD, HDR, Smart TV) сатып алуу. Сунуштун баасына жеткирүү, мобилдик стендди чогултуу, дисплейди орнотуу, жөндөө жана ишке киргизүү кирүүгө тийиш.
Тапшыруунун акыркы мөөнөтү: 2026-жылдын 20-октябры, саат 18:00гө чейин
Тапшыруу ыкмасы: «Телевизор» деген милдеттүү тема белгиси менен administration@goodneighbors.kg электрондук почтасына
Кеңири маалыматты tenders.kg сайтынан №32258 «Запрос коммерческих предложений: Поставка телевизора, диагональ 110-115 дюйм. Мобильная подставка. Кликер» номери астынан караңыздар (жарыяланган күнү: 14.10.2026-ж.).
2. Тендер: Билим берүү, мультимедиа жана коопсуздук жабдууларын жеткирүү, орнотуу жана ишке киргизүү
Долбоор жөнүндө:
Токтогул районунун Билим берүү бөлүмүн, Ы. Алыбеков атындагы №21 орто мектебин, ошондой эле «Нур» жана «Ак-Шоола» балдар бакчаларын (Жалал-Абад облусу, Токтогул району, Сары-Сегет айылы) заманбап билим берүү, мультимедиалык жабдуулар, коопсуздук системалары менен камсыздоо. Жабдуулардын тизмесине интерактивдүү панелдер (86" жана 75"), кесипкөй аудио жабдуулар, видеокөзөмөл системалары (20 IP-камера, NVR, УББ, тармактык шкафтар жана кабелдер), ошондой эле толук монтаждоо жана жөндөө иштери менен түстүү сыялуу МФУлар жана ламинаторлор кирет.
Тапшыруунун акыркы мөөнөтү: 2026-жылдын 21-октябры, саат 17:00гө чейин
Тапшыруу ыкмасы: «Оборудование в Токтогул» деген милдеттүү белгиси бар А4 форматындагы конвертте кагаз түрүндөгү билдирме төмөнкү дарек боюнча кабыл алынат: Бишкек ш., Иманалы Айдарбеков көч., 6 (2-кабат, Good Neighbors административдик бөлүмү). Бардык суроолор боюнча administration@goodneighbors.kg электрондук дарегине кайрылыңыздар.
Кеңири маалыматты tenders.kg сайтынан №32150 «Поставка, установка и ввод в эксплуатацию образовательного, мультимедийного и оборудования безопасности» номери астынан караңыздар (жарыяланган күнү: 08.10.2026-ж.).
Балдарды коргоонун эл аралык күнүн белгилөөнүн алкагында Good Neighbors уюмунун Кыргыз Республикасындагы өкүлчүлүгүнүн Болот Мамбетов айыл аймагындагы (Тоң району, Ысык-Көл облусу) Коомчулукту өнүктүрүү долбоорунун командасы долбоордун аймагындагы жети айылдын баарында балдар үчүн майрамдык иш-чараларды уюштурду.
Жаш катышуучулар үчүн аниматорлордун жана костюмчан каармандардын катышуусунда кызыктуу оюн-зоок программасы даярдалды. Балдар оюндарга, сынактарга жана чакан викториналарга катышып, музыкалык программага жана самын көбүкчөлөрүнүн шоусуна күбө болушту. Эң активдүү катышуучулар оюнчуктар жана эстелик белектер менен сыйланышты.
Иш-чаранын жүрүшүндө балдардын коопсуздугу, алардын укуктары жана оор кырдаалдарда жоопкерчиликтүү чоңдордон жардам суроонун маанилүүлүгү тууралуу кыскача маалыматтык сессия өткөрүлдү.
Коомчулукту өнүктүрүү комитеттеринин мүчөлөрү менен биргеликте балдарга 700дөн ашуун таттуу белектер таратылып, бул майрамдын эң күтүлгөн учурларынын бири болду.
Өткөрүлгөн иш-чара балдарга кубаныч жана жагымдуу эмоцияларды тартуулап, ар бир бала үчүн коопсуз жана колдоочу чөйрөнү түзүүнүн маанилүүлүгүн дагы бир жолу эске салды.
4-июнда Good Neighbors Kyrgyz Republic уюму Кыргыз Республикасынын Эмгек, социалдык камсыздоо жана миграция министрлигине караштуу Социалдык коргоо департаментине 7 000ден ашык жаңы балдар кийимин өткөрүп берди.
Гуманитардык жардамды тапшыруунун расмий аземине Кыргыз Республикасынын Эмгек, социалдык камсыздоо жана миграция министрлигине караштуу Социалдык коргоо департаментинин директору Анарбаева Дина Турманбековна, Кыргыз Республикасындагы Good Neighbors International уюмунун директору Чо Сунхёнг, Кыргыз Республикасынын Эмгек, социалдык камсыздоо жана миграция министрлигине караштуу мүмкүнчүлүгү чектелген балдарды реабилитациялоо боюнча «Келечек» борборунун директору Туменбаева Чынаркүл Айдарбековна жана мекеменин кызматкерлери катышты.
Гуманитардык жардам Корея Республикасынан жеткирилип, жакынкы күндөрү өлкө боюнча социалдык стационардык мекемелерге бөлүштүрүлөт. Биз Кыргыз Республикасынын Эмгек, социалдык камсыздоо жана миграция министрлигине караштуу Социалдык коргоо департаментинин директору Дина Турманбековна Анарбаевага кызматташтыгы жана Кыргызстандын балдарынын жыргалчылыгы үчүн биргелешкен иш-аракеттери үчүн терең ыраазычылык билдиребиз.
Биз үчүн ар бир берилген кийим жөн гана буюм эмес, балага болгон камкордуктун, көңүл буруунун жана колдоонун белгиси болуп саналары өзгөчө маанилүү.
Good Neighbors уюму мамлекеттик органдар жана өнөктөштөр менен биргеликте Кыргызстандын балдары жана үй-бүлөлөрү үчүн жакшы келечекти түзүү багытындагы ишин улантат.
2026-жылдын 2-июнунда Бишкек шаарында Кыргыз Республикасынын Суу ресурстары, айыл чарба жана кайра иштетүү өнөр жайы министрлиги, KOICA жана Good Neighbors Kyrgyz Republic тарабынан биргелешип ишке ашырылып жаткан Кыргыз Республикасында Айылдарды комплекстүү өнүктүрүү долбоорунун экинчи фазасынын расмий ачылыш аземи болуп өттү.
Иш-чарага Кыргыз Республикасынын Суу ресурстары, айыл чарба жана кайра иштетүү өнөр жайы министринин орун басары Рустам Анарбекович Балтабаев, Корея Республикасынын Кыргыз Республикасындагы Атайын жана Ыйгарым укуктуу Элчиси Ким Кванджэ, Кыргыз Республикасындагы KOICA өкүлчүлүгүнүн директору Лим Соён, Good Neighbors Kyrgyz Republic уюмунун директору Чо Сунхенг, ошондой эле мамлекеттик органдардын, эл аралык уюмдардын жана өнөктөш мекемелердин өкүлдөрү катышты.
Коноктор өздөрүнүн куттуктоо сөздөрүндө Кыргыз Республикасындагы Айылдарды комплекстүү өнүктүрүү долбоорунун аймактардын туруктуу социалдык-экономикалык өнүгүүсү үчүн стратегиялык маанисин белгилешип, Кыргыз Республикасы менен Корея Республикасынын ортосундагы кызматташтыкты мындан ары чыңдоонун маанилүүлүгүн баса белгилешти.
Аземдин жүрүшүндө долбоордун биринчи фазасынын негизги жыйынтыктары жана Ош, Баткен жана Жалал-Абад облустарында ишке ашырыла турган экинчи фазанын негизги багыттары тааныштырылды.
Белгилей кетсек, буга чейин, 2026-жылдын 1-июнунда Кыргыз Республикасынын Суу ресурстары, айыл чарба жана кайра иштетүү өнөр жайы министрлиги, Кореянын эл аралык кызматташтык агенттиги (KOICA) жана Good Neighbors Kyrgyz Republic Кыргыз Республикасында Айылдарды комплекстүү өнүктүрүү долбоорунун экинчи фазасын ишке ашыруу боюнча үч тараптуу Өз ара түшүнүшүү жөнүндө меморандумга кол коюшкан.
Долбоордун жаңы этабы фермерлерди жана айыл чарба кооперативдерин колдоого, кайра иштетүү тармагын өнүктүрүүгө, айылдык инфраструктураны модернизациялоого, логистикалык борбор түзүүгө, микрокаржылоо кызматтарына жеткиликтүүлүктү кеңейтүүгө жана агрардык секторго санариптик чечимдерди киргизүүгө багытталган.
Биз биргеликте айыл аймактарынын туруктуу өнүгүүсүнө көмөк көрсөтүү, айыл калкынын бакубаттуулугун жогорулатуу жана Кыргыз Республикасынын агроөнөр жай потенциалын чыңдоо багытындагы иштерди улантабыз.