«Менин укуктарым корголгон, менин милдеттерим маанилүү!» сүрөт конкурсу!
ЖОБО
«Менин укуктарым корголгон, менин милдеттерим маанилүү!»
сүрөт конкурсун өткөрүү жөнүндө
💡 Конкурстун урааны:
«Укуктар мүмкүнчүлүк берет, милдеттер өсүүгө жардам берет!»
1. Жалпы жоболор
«Менин укуктарым корголгон, менин милдеттерим маанилүү!» сүрөт конкурсу «Балдардын үнү» долбоорунун алкагында, Кыргыз Республикасындагы «Гуд Нейборс Интернешнл» Коомдук Фондунун коомчулукту өнүктүрүүнүн төрт программасынын (CDP) аймагында жайгашкан билим берүү уюмдарынын окуучулары арасында өткөрүлөт. Конкурс БУУнун Балдардын укуктары жөнүндө конвенциясын кабыл алуунун Бүткүл дүйнөлүк күнүнө (20-ноябрь) карата уюштурулууда.
Конкурс балдар менен өспүрүмдөрдүн өз укуктары жана милдеттери жөнүндө кабардарлыгын жогорулатууга, чыгармачылык жөндөмдөрүн өнүктүрүүгө, укуктук маданиятты, жоопкерчиликти жана башка адамдардын укуктарын урматтоо мамилесин калыптандырууга багытталган.
2. Конкурстун максаты
Чыгармачылык аркылуу балдарда жана өспүрүмдөрдө өз укуктары менен милдеттерин түшүнүүнү калыптандыруу, ошондой эле БУУнун Балдардын укуктары жөнүндө конвенциясынын жоболору тууралуу маалымдуулукту жогорулатуу.
3. Конкурстун милдеттери
-
Балдардын жана өспүрүмдөрдүн укуктук сабаттуулугун жогорулатуу;
-
Адам укуктарына жана баланын укуктарына урмат-сый менен мамиле кылууну калыптандыруу;
-
Өз жоруктары үчүн жоопкерчилик сезимин өнүктүрүү;
-
Катышуучулардын чыгармачылык жөндөмдөрүн жана көркөм өнөр көндүмдөрүн өнүктүрүү;
-
Балдардын укуктарын коргоо жана зомбулуктун алдын алуу маселелерине коомчулуктун көңүлүн буруу;
-
Урматтоо, теңчилик жана зомбулуксуздук идеяларын жайылтууга балдардын активдүү катышуусун сыйлоо/колдоо.
-
4. Конкурстун катышуучулары
Конкурска катышууга 13 жаштан 17 жашка чейинки балдар жана өспүрүмдөр чакырылат.
Конкурска төмөнкү аймактарда жайгашкан мектептердин окуучулары катышат:
-
Көк-Чу КӨД
-
Болот Мамбетов КӨД
-
Бел-Алды КӨД
-
Жапалак КӨД
Катышуучу мектептер:
-
Ч. Түлөбердиев атындагы № 34 орто жалпы билим берүү мектеби
-
Атабаев атындагы № 35 орто жалпы билим берүү мектеби
-
А. Алиев атындагы № 30 орто жалпы билим берүү мектеби
-
М. Мырзаев атындагы № 45 орто жалпы билим берүү мектеби (Ош ш.)
-
№ 48 орто жалпы билим берүү мектеби
-
№ 68 орто жалпы билим берүү мектеби
-
Исхак Раззаков атындагы Төмөнкү Чүй орто мектеби
-
Абсамат Масалиев атындагы Төмөнкү Чүй орто мектеби
-
Аалы Токомбаев атындагы орто мектеп
-
Б. Мамбетов атындагы орто мектеп
-
А. Көлбаев атындагы орто мектеп
-
Жусуп Турусбеков атындагы орто мектеп
-
К. Тилеков атындагы орто мектеп
-
Жума Жамгырчиев атындагы орто мектеп
-
М. Догдуров атындагы орто мектеп (Тоң району)
-
Тайлаков атындагы орто мектеп (Тоң району)
-
Кубатбек Чокоев атындагы № 18 орто жалпы билим берүү мектеби
-
Мукаш Жамгырканов атындагы № 22 орто жалпы билим берүү мектеби
-
Кулманбет Токторалиев атындагы № 30 орто жалпы билим берүү мектеби
-
Муктар Нургазиев атындагы № 29 орто жалпы билим берүү мектеби
-
Салаев атындагы № 34 орто жалпы билим берүү мектеби
-
Бекназар атындагы № 32 орто жалпы билим берүү мектеби
-
Артыкбаев атындагы № 33 орто жалпы билим берүү мектеби
-
Ы. Алымбеков атындагы № 21 орто жалпы билим берүү мектеби
-
Токтонаалы Ашыралиев атындагы № 19 орто жалпы билим берүү мектеби
-
Абдыманап Мамыров атындагы орто мектеп
-
Т. Жундубаев атындагы № 20 орто мектеп
5. Конкурстук иштердин тематикасы
Конкурстук иштер төмөнкү темаларды чагылдырышы мүмкүн:
-
Билим алууга болгон укук;
-
Зомбулуктан коргонууга болгон укук;
-
Ден соолукка жана бакубаттуулукка болгон укук;
-
Эс алууга, бош убакытка жана өнүгүүгө болгон укук;
-
Өз пикирин билдирүүгө болгон укук;
-
Баланын үй-бүлөдөгү, мектептеги жана коомдогу милдеттери;
-
Өз ара урматтоо, жоопкерчилик жана достук;
-
Зомбулуксуз дүйнө;
-
Балдар үчүн коопсуз жана жагымдуу чөйрө;
-
Баланын укуктарын сактоо жана коргоо.
6. Конкурстук иштерге коюлуучу талаптар
-
Иш конкурстун темасына шайкеш келиши керек.
-
Ар бир катышуучу 1ден ашык эмес иш сунуштай алат.
-
Иш катышуучу тарабынан өз алдынча аткарылышы керек.
-
Каалагандай көркөм ыкмаларды/техниканы колдонууга уруксат берилет (карандаш, акварель, гуашь, пастель, фломастерлер ж.б.).
-
Иштин форматы: А3.
-
Иш тыкан жана аягына чыккан (бүткөрүлгөн) түрдө аткарылышы керек.
-
Мөөнөтү (дедлайн): 2026-жылдын 10-ноябры.
Иштин арткы бетине сөзсүз түрдө төмөнкүлөрдү көрсөтүү зарыл:
-
Катышуучунун аты-жөнү;
-
Жашы;
-
Классы;
-
Билим берүү уюмунун аталышы;
-
Калктуу пункт;
-
Мугалимдин аты-жөнү (бар болсо);
-
Байланыш телефону.
7. Баалоо критерийлери
Конкурстук иштер төмөнкү критерийлер боюнча бааланат:
|
Критерий |
Максималдуу балл |
|
Конкурстун темасына шайкештиги |
20 |
|
Баланын укуктары жана милдеттери темасынын ачылышы |
20 |
|
Идеянын оригиналдуулугу |
20 |
|
Көркөм чеберчилиги жана аткаруу сапаты |
20 |
|
Чыгармачыл мамиле жана иштин таасирдүүлүгү |
20 |
|
Жалпы |
100 |
8. Жыйынтыкты чыгаруу тартиби
-
Конкурстук иштерди баалоону конкурс уюштуруучулары тарабынан түзүлгөн конкурстук комиссия жүзөгө ашырат.
-
Жеңүүчүлөр топтолгон балдардын суммасы боюнча аныкталат.
-
Конкурстук комиссия кошумча номинацияларды белгилөө укугун өзүнө калтырат.
9. Сыйлоо
Конкурстун эң мыкты иштери Бүткүл дүйнөлүк балдар күнүнө карата «Балдардын үнү» долбоорунун алкагында өткөрүлүүчү «Менин үнүм – менин келечегим» фестивалында көрсөтүлөт.
Эң мыкты иштердин авторлору төмөнкүлөр менен сыйланышат:
-
📜 Дипломдор;
-
🎁 Эстелик белектер;
-
🏆 Баалуу сыйлыктар.
Конкурстун бардык катышуучуларына катышкандыгы үчүн сертификаттар берилет.
10. Корутунду жоболор
Ишти конкурска тапшыруу менен катышуучулар ушул Жобого макулдугун ырасташат жана уюштуруучуларга конкурстук иштерди көргөзмөлөрдү, презентацияларды өткөрүүдө, долбоордун маалыматтык материалдарында, социалдык тармактарда жарыялоодо жана башка коммерциялык эмес максаттарда авторлукту милдеттүү түрдө көрсөтүү менен пайдалануу укугун беришет.
Биз балдарды жана өспүрүмдөрдү чыгармачылык аркылуу укуктарды, милдеттерди, урмат-сыйды, жоопкерчиликти жана зомбулуксуз дүйнөнү өз түшүнүгүндө чагылдырып көрсөтүүгө чакырабыз!
1. Коммерциялык сунуштарды суроо: Коргон айылындагы Фельдшердик-акушердик пункттун (ФАП) иштөө шарттарын жакшыртуу боюнча курулуш материалдарын сатып алуу, жеткирүү жана курулуш-монтаждоо иштерин аткаруу
Долбоор жөнүндө:
Жалал-Абад облусунун Токтогул районундагы Коргон айылындагы ФАПтын инфраструктурасын оңдоо жана жаңыртуу. Долбоор курулуш материалдарын сатып алууну жана жеткирүүнү, курулуш-монтаждоо иштерин аткарууну (полду, эшиктерди, терезелерди алмаштыруу, жалюзи орнотуу, фасадды, чатырды, жылытуу системасын оңдоо, металл тосмо менен дарбаза куруу жана аймакты көрктөндүрүү), ошондой эле таштандыларды тазалап, объектти тапшырууну камтыйт.
Коммерциялык сунуштарды тапшыруунун акыркы мөөнөтү: 2026-жылдын 15-сентябры, саат 17:30 (18:00)
Толугураак маалыматты tenders.kg сайтынан 08.09.2026-жылдагы №31683 «Коммерциялык сунуштарды суроо: Коргон айылындагы Фельдшердик-акушердик пункттун (ФАП) иштөө шарттарын жакшыртуу боюнча курулуш материалдарын сатып алуу, жеткирүү жана курулуш-монтаждоо иштерин аткарууга КП суроо» жарыясынан караңыз.
2. Конкурс: Мектеп столовойунун шарттарын жакшыртуу үчүн курулуш материалдарын сатып алуу жана жеткирүү
Долбоор жөнүндө:
Чүй облусунун Сокулук районундагы Нижне-Чуйское айылындагы Абсамат Масалиев атындагы орто мектебинин столовойун оңдоо үчүн курулуш материалдары менен камсыздоо (мектепте 813 окуучу жана 46 кызматкер бар). Милдеттерге полду, вентиляция системасын, дубалдарды оңдоо жана сырдоо, суу агуучу системаны жана жарыктандырууну жакшыртуу үчүн сапаттуу материалдарды сатып алуу, жеткирүү жана түшүрүү кирет.
Коммерциялык сунуштарды тапшыруунун акыркы мөөнөтү: 2026-жылдын 18-сентябры, саат 17:30
Толугураак маалыматты tenders.kg сайтынан 08.09.2026-жылдагы №31666 «Конкурс: Мектеп столовойунун шарттарын жакшыртуу үчүн курулуш материалдарын сатып алуу жана жеткирүү» жарыясынан караңыз.
3. Тендер: Суу өткөрүүчү курулма үчүн түтүктөрдү жана бетон шакектерди жеткирүү
Долбоор жөнүндө:
«Эшперов айылындагы сел коркунучун азайтуу» долбоорунун алкагында Ысык-Көл облусунун Тоң районундагы Эшперов айылынын «Теш» тилкесиндеги суу өткөрүүчү узел үчүн сапаттуу курулуш материалдарын (түтүктөрдү жана бетон шакектерди) сатып алуу жана жеткирүү. Максаты — сугат жана сел сууларын коопсуз бургулоо жана жергиликтүү инфраструктураны коргоо. Жеткирүү мөөнөтү — 2026-жылдын сентябрь айы. Сунуштар чапталган конвертте гана кабыл алынат.
Коммерциялык сунуштарды тапшыруунун акыркы мөөнөтү: 2026-жылдын 21-сентябры, саат 17:00 (17:30)
Толугураак маалыматты tenders.kg сайтынан 08.09.2026-жылдагы №31660 «Тендер: Суу өткөрүүчү курулма үчүн түтүктөрдү жана бетон шакектерди жеткирүү» жарыясынан караңыз.
1. Коммерциялык сунуштарды суроо: «Тең-теңи менен» тренингин өткөрүү боюнча колдонмону жаңылоо жана актуалдаштыруу
Долбоор жөнүндө:
Өспүрүмдөр үчүн «Менин укуктарым» жана «Өспүрүмдөр арасындагы зомбулуктун алдын алуу» темалары боюнча колдонмонун мазмунун актуалдаштыруу. Долбоор колдонуудагы версияны талдоону, методологиялык бөлүктү, окуу материалдарын, көнүгүүлөрдү жана кейстерди Кыргыз Республикасынын мыйзамдарына, БУУнун Балдардын укуктары жөнүндө конвенциясына, балдарды коргоо, гендердик теңчилик жана инклюзия принциптерине ылайык кыргыз жана орус тилдеринде жаңылоону камтыйт. Колдонмонун акыркы көлөмү: 50дөн 90 баракка чейин. Жумуштарды аткаруу мөөнөтү — 2026-жылдын 30-сентябрына чейин.
Коммерциялык сунуштарды тапшыруунун акыркы мөөнөтү: 16-сентябрь, 2026-жыл, саат 19:00
Кененирээк маалыматты tenders.kg сайтынан 03.09.2026-жылдагы №31604 «Коммерциялык сунуштарды суроо: «Тең-теңи менен» тренингин өткөрүү боюнча колдонмону жаңылоо жана актуалдаштыруу» номери астынан караңыздар.
2. Коммерциялык сунуштарды суроо: Мектепке чейинки жана мектеп курагындагы балдар үчүн куурчак спектаклдерин жана форум-театр иш-чараларын уюштуруу жана өткөрүү боюнча методикалык колдонмону иштеп чыгуу
Долбоор жөнүндө:
Коопсуз жана инклюзивдүү чөйрөнү түзүүгө багытталган «Балдардын үнү» долбоорунун алкагында практикалык методикалык колдонмону иштеп чыгуу. Аткаруучу методиканы, баалоо куралдарын, кыргыз жана орус тилдеринде куурчак спектаклдеринин кем эмес 5 сценарийин (5–6 жаштагы балдар үчүн) жана форум-театрдын кем эмес 5 сценарийин (10–17 жаштагы балдар үчүн) даярдашы керек. Колдонмо мугалимдерге, психологдорго жана социалдык педагогдорго арналган. Болжолдуу аткаруу мөөнөтү — келишимге кол коюлган күндөн тартып 30 күн.
Коммерциялык сунуштарды тапшыруунун акыркы мөөнөтү: 16-сентябрь, 2026-жыл, саат 19:00
Кененирээк маалыматты tenders.kg сайтынан 03.09.2026-жылдагы №31608 «Коммерциялык сунуштарды суроо: Мектепке чейинки жана мектеп курагындагы балдар үчүн куурчак спектаклдерин жана форум-театр иш-чараларын уюштуруу жана өткөрүү боюнча методикалык колдонмону иштеп чыгуу» номери астынан караңыздар.
4-сентябрда Ош шаарында БУУнун Дүйнөлүк азык-түлүк программасы (БУУ ДАТП) Корея Эл аралык Кызматташтык Агенттиги (KOICA), КР Агартуу министрлиги, КР Саламаттыкты сактоо министрлиги жана Good Neighbors Kyrgyz Republic уюму менен биргеликте Кыргызстандын түштүк аймактарындагы мектеп өкүлдөрү үчүн мектептеги суу менен камсыздоо, санитария жана гигиена (WASH) боюнча практикалык семинар өткөрдү.
Ош шаарындагы семинар 28-августта Бишкек шаарында башталган демилгенин уландысы болуп, Ош, Жалал-Абад жана Баткен облустарынын мектеп директорлорун, педагогдорун, ошондой эле мектептеги саламаттыкты сактоо жана суу менен камсыздоо, санитария жана гигиена (WASH) комитеттеринин өкүлдөрүн бириктирди.
Семинардын башкы максаты мектеп администрацияларына таза суу, санитария жана гигиена (WASH) чараларын киргизүү боюнча практикалык колдонмону жана маалыматтык-билим берүү материалдарын (буклеттерди жана плакаттарды) тапшыруу болду.
Мектептерде суу менен камсыздоо, санитария жана гигиена (WASH) багытын өнүктүрүү эмнелерди камтыйт?
🔹 Коопсуз таза сууга жана сапаттуу санитардык шарттарга жеткиликтүүлүк.
🔹 Кол жуу үчүн ыңгайлуу жайлар жана тамактануу гигиенасынын эрежелерин сактоо.
🔹 Бардык балдар, анын ичинде майыптыгы бар балдар үчүн инклюзивдүү, жеткиликтүү жана ыңгайлуу чөйрөнү түзүү.
Өлкөнүн бардык аймактарында таза суу, санитария жана гигиена (WASH) чараларын жайылтуу - ар бир бала үчүн коопсуз, дени сак жана инклюзивдүү чөйрөнү түзүүгө кошкон бирдиктүү салымыбыз!