«Менин үнүм маанилүү!» форум-театрлар жана куурчак театрлары конкурсу
ЖОБО
«Мой голос важен!» (Менин үнүм маанилүү!)
форум-театрлар жана куурчак театрлары конкурсун өткөрүү жөнүндө
💡 Конкурстун урааны:
«Ар бир бала өз үнүн угузууга укуктуу!»
1. Жалпы жоболор
«Мой голос важен!» форум-театрлар жана куурчак театрлары конкурсу «Балдардын үнү» долбоорунун алкагында өткөрүлөт жана жыл сайын 20-ноябрда — БУУнун Балдардын укуктары жөнүндө конвенциясы кабыл алынган күнү белгиленүүчү Бүткүл дүйнөлүк балдар күнүнө уюштурулат.
Конкурс балдардын өз укуктары жөнүндө кабардарлыгын жогорулатууга, чыгармачылык жөндөмдөрүн өнүктүрүүгө, зомбулуксуздук, өз ара урматтоо, теңчилик маданиятын жайылтууга жана балдардын мектептеги, бала бакчадагы жана жергиликтүү коомчулуктагы турмушуна активдүү катышуусун жогорулатууга багытталган.
2. Конкурстун максаты
Театралдык искусство аркылуу балдардын чыгармачылык менен өзүн көрсөтүүсүнө шарт түзүү, ошондой эле баланын укуктарын коргоо, коопсуз чөйрөнү калыптандыруу жана балдардын билим берүү уюмдарынын жана жергиликтүү коомчулуктун турмушуна катышуусун өнүктүрүү идеяларын жайылтуу.
3. Конкурстун милдеттери
-
Балдардын бала укуктары жөнүндө маалымдуулугун жогорулатуу;
-
Пикирлешүү, кызматташуу жана командалык иш көндүмдөрүн өнүктүрүү;
-
Айланадагыларга урмат-сый менен мамиле кылууну калыптандыруу;
-
Зомбулуктун, буллингдин жана басмырлоонун алдын алуу;
-
Балдардын чыгармачылык жана лидерлик жөндөмдөрүн өнүктүрүү;
-
Баланын укуктарын коргоо маселелерине коомчулуктун көңүлүн буруу.
4. Конкурстун катышуучулары
4.1. Форум-театрлар конкурсу
Конкурска Көк-Чу КӨД, Болот Мамбетов КӨД, Бел-Алды КӨД жана Жапалак КӨД аймактарында жайгашкан жалпы билим берүү уюмдарынын окуучулары катышат.
Катышуучу мектептер:
-
Ч. Түлөбердиев атындагы №34 орто жалпы билим берүү мектеби;
-
Атабаев атындагы №35 орто жалпы билим берүү мектеби;
-
А. Алиев атындагы №30 орто жалпы билим берүү мектеби;
-
М. Мырзаев атындагы №45 орто жалпы билим берүү мектеби (Ош ш.);
-
№48 орто жалпы билим берүү мектеби;
-
№68 орто жалпы билим берүү мектеби;
-
Исхак Раззаков атындагы Төмөнкү Чүй орто мектеби;
-
Абсамат Масалиев атындагы Төмөнкү Чүй орто мектеби;
-
Аалы Токомбаев атындагы орто мектеп;
-
Б. Мамбетов атындагы орто мектеп;
-
А. Көлбаев атындагы орто мектеп;
-
Жусуп Турусбеков атындагы орто мектеп;
-
К. Тилеков атындагы орто мектеп;
-
Жума Жамгырчиев атындагы орто мектеп;
-
М. Догдуров атындагы орто мектеп (Тоң району);
-
Тайлаков атындагы орто мектеп (Тоң району);
-
Кубатбек Чокоев атындагы №18 орто жалпы билим берүү мектеби;
-
Мукаш Жамгырканов атындагы №22 орто жалпы билим берүү мектеби;
-
Кулманбет Токторалиев атындагы №30 орто жалпы билим берүү мектеби;
-
Муктар Нургазиев атындагы №29 орто жалпы билим берүү мектеби;
-
Салаев атындагы №34 орто жалпы билим берүү мектеби;
-
Бекназар атындагы №32 орто жалпы билим берүү мектеби;
-
Артыкбаев атындагы №33 орто жалпы билим берүү мектеби;
-
Ы. Алымбеков атындагы №21 орто жалпы билим берүү мектеби;
-
Токтонаалы Ашыралиев атындагы №19 жалпы билим берүү орто мектеби;
-
Абдыманап Мамыров атындагы орто мектеп;
-
Т. Жундубаев атындагы №20 орто мектеп.
4.2. Куурчак театрлары конкурсу
Конкурска мектепке чейинки билим берүү уюмдарынын тарбиялануучулары катышат.
Катышуучу мектепке чейинки билим берүү уюмдары:
-
«Жеткинчек» бала бакчасы;
-
«Наристе» атындагы бала бакчасы;
-
№10 бала бакчасы;
-
Жусуп Турусбеков атындагы бала бакчасы;
-
Ж. Жамгырчиев атындагы үч сааттык бала бакчасы;
-
№7 бала бакчасы;
-
Жунушов Жолдошбек атындагы №12 бала бакчасы;
-
«Болот Мамбетов» үч сааттык бала бакчасы;
-
№5 бала бакчасы;
-
Мукаш Жамгырканов атындагы мектептин алдындагы кыска мөөнөттүү бала бакча;
-
«Ак-Шоола» бала бакчасы;
-
«Нур» бала бакчасы;
-
№7 «Жылдыз» МЧББУ;
-
№15 «Сатымбу апа» бала бакчасы;
-
№21 «Баластан» бала бакчасы;
-
№4 «Чабалекей» МЧББУ;
-
№17 «Бактыкан апа» бала бакчасы;
-
№14 «Дилде айым» бала бакчасы;
-
№84 «Ынтымак» бала бакчасы;
-
№60 «Арча-Бешик» бала бакчасы.
5. Театралдык коюлуштардын тематикасы
Форум-театрлар:
-
Баланын укуктары;
-
Өз үнүн угузуу укугу;
-
Зомбулук менен буллингдин алдын алуу;
-
Коопсуз мектеп чөйрөсү;
-
Достук, урматтоо жана өз ара жардамдашуу;
-
Чечимдерди кабыл алууга балдардын катышуусу;
-
Теңчилик жана толеранттуулук;
-
Баланын укуктарын коргоо.
Куурчак театрлары:
-
Бактылуу балалык;
-
Достук жана боорукердик;
-
Камкордук жана урматтоо;
-
Баланын коопсуздугу;
-
Бири-бирине жардам берүү жана колдоо көрсөтүү;
-
Баланын сүйүүгө, камкордукка жана корголууга болгон укугу.
6. Конкурстук коюлуштарга коюлуучу талаптар
-
Өнөр көрсөтүүнүн узактыгы 15 мүнөттөн ашпоого тийиш;
-
Коюлуш конкурстун тематикасына шайкеш келиши керек;
-
Музыкалык коштоону, костюмдарды, декорацияларды жана реквизиттерди колдонууга уруксат берилет;
-
Катышуу коллективдүү (командалык) болушу керек;
-
Өнөр көрсөтүүнүн мазмуну катышуучулардын жашына шайкеш келиши керек;
-
Театралдык коюлуш баланын укуктарын, урматтоо маданиятын жана зомбулуксуз жүрүм-турумду жайылтууга көмөктөшүшү керек;
-
Мөөнөтү (дедлайн): 2026-жылдын 25-ноябры.
Катышуунун милдеттүү шарты: Ар бир команда өнөр көрсөтүүсүнүн сапаттуу видеожазуусун берет (горизонталдык тартуу, так сүрөттөлүш жана сапаттуу үн).
📞 Конкурска катышууга арыз берүү үчүн байланыш номери: +996 550 039 394
Сунушталган видеоматериалдар уюштуруучулар тарабынан «Менин үнүм – менин келечегим» фестивалында көрсөтүү үчүн, ошондой эле «Балдардын үнү» долбоорунун маалыматтык, презентациялык жана отчёттук материалдарында колдонулушу мүмкүн.
7. Баалоо критерийлери
Конкурстук иштер төмөнкү критерийлер боюнча бааланат:
|
Критерий |
Максималдуу балл |
|
Конкурстун темасына шайкештиги |
20 |
|
Идеянын жана мазмундун ачылышы |
20 |
|
Актердук чеберчилик |
20 |
|
Чыгармачыл мамиле жана оригиналдуулук |
20 |
|
Командалык иш жана сценалык маданият |
20 |
|
Жалпы |
100 |
8. Конкурстун жыйынтыгын чыгаруу тартиби
-
Конкурстук коюлуштарды баалоону конкурс уюштуруучулары тарабынан түзүлгөн конкурстук комиссия жүзөгө ашырат.
-
Конкурстун жыйынтыгы боюнча төмөнкүлөр аныкталат:
-
эң мыкты театралдык коюлуштар;
-
эң мыкты актердук коллективдер;
-
эң мыкты актердук иштер;
-
капылет номинациялар боюнча жеңүүчүлөр жана байгелүү орундардын ээлери.
-
-
Уюштуруучулар кошумча номинацияларды белгилөө укугуна ээ.
9. Сыйлоо
-
Конкурстун жеңүүчүлөрү жана байгелүү орундардын ээлери төмөнкүлөр менен сыйланышат:
-
дипломдор менен;
-
эстелик белектер менен;
-
баалуу сыйлыктар менен.
-
-
«Менин үнүм – менин келечегим» фестивалынын алкагында уюштуруучулар тарабынан эң мыкты коюлуштар фестивалдын сахнасында жандуу өнөр көрсөтүү үчүн кошумча тандалып алынат.
-
Эң мыкты чыгармачыл коллективдер жана айрым катышуучулар атайын сыйлыктар жана дипломдор менен белгиленет.
-
Катышуучулардын чыгармачылык иштери фестивалда көрсөтүлүп, долбоордун маалыматтык материалдарында колдонулушу мүмкүн.
10. Корутунду жоболор
-
Конкурстук материалдарды берүү менен, катышуучулар жана алардын мыйзамдуу өкүлдөрү фото жана видео тартууга, ошондой эле берилген материалдарды уюштуруучулар тарабынан «Балдардын үнү» долбоорун ишке ашыруунун алкагында маалыматтык, билим берүүчүлүк жана отчёттук максаттарда балдардын укуктарын сактоо жана авторлукту милдеттүү түрдө көрсөтүү менен пайдаланууга макулдугун ырасташат.
-
Конкурстун уюштуруучулары бул Жобого өзгөртүүлөрдү жана толуктоолорду киргизүү, бул тууралуу катышуучуларга өз убагында кабарлоо укугун өзүнө калтырат.
Табиятты биз менен коргоңуз!
Камышановка мектебинин 8-класстын окуучулары Global Youth Network долбоорунун алкагында таштандыларды сорттоо жана экологиялык билим берүү боюнча акция уюштурушту.
Аткарылган иш-чаралар:
- Таштандыларды сорттоонун маанилүүлүгү жөнүндө жаркын баннерлерди жасашты.
- Классташтары үчүн экологиялык лекциялар өткөрүштү.
- **Good Neighbors** уюму менен биргеликте мектепке жашыл бурч уюштурушту.
- Мектепке жана жергиликтүү бийлик кеңсесине таштанды сорттоочу контейнерлерди орнотушту.
Табиятты коргоого салым кошкон жаш эко-активисттерибизге чоң ыраазычылык!
#GlobalYouthNetwork #ProtectNature
«Сары-Сөгөт» коопера-тиви есууде!
«Good Neighbors» программасынын, киреше алып келүүчү долбоорлордун аркасында «Сары-Сөгөт» кооперативи туруктуу өнүгүп, бал өндүрүүнү жана катышуучулардын санын көбөйтүүдө. 2024-жылы кооператив Гуд Нейборстун колдоосу менен «Бал» долбооруна катышкан. 2024-жылдын декабрына чейин катышуучулар долбоорду ийгиликтүү ишке ашырышты.
Эми кооперативдин максаты бал өндүрүү жана бизнесинин туруктуу келечегин түзүү.
- Балчы Самат Мүсүралиевдин ийгилик тарыхы -
Балчылыкта 10 жылдан ашык тажрыйбасы бар «Сары-Сөгөт» кооперативинин мүчөсү Самат Мусуралиев көзгө басар натыйжаларга жетишти! 2024-жылы биздин программанын колдоосу жана алынган насыянын аркасында 117 баррель (3429 кг) бал чогултуп, эл аралык рынокко сатты.
2025-жылы 100 жаңы бал челек сатып алуу менен аарылар үчүн шарттарды жакшыртууну пландоодо.
«Аарычылык биздин үй-бүлөбүздүн негизги киреше булагы болуп саналат жана акыркы үч жылда Кыргыз Республикасындагы Гуд Нейборс уюмунун колдоосу болбосо биздин кирешебиз кыйла азаймак» -Самат Мусуралиев-
#IncomeGeneration #Cooperative #BeeKeeping #SuccessStory
Биз "Үмүт" Стипендия Программасынын 4 аймактарында: Болот Мамбетов, Көк-Чү, Бел-Алды жана Жапалакта ийгиликтүү ишке ашкандыгы тууралуу кубануу менен бөлүшөбүз.
Программага 9, 10 жана 11-класстын 65 окуучусу катышып, мыкты окуу жетишкендиктерин жана мектеп жашоосуна активдүү катышуусун көрсөтүштү.
Катышуучулар эмне алышты?
— Кыргыз Республикасындагы Гуд Нейборс 3000 сом стипендия.
— Окуу үчүн керектүү кеңсе товарларынын топтому.
— Мыкты окуу жетишкендиктери жана мектеп иш-чараларына активдүү катышкандыгы үчүн сертификат.
Бул эмнеге маанилүү?
Программа таланттуу жана активдүү жаштарды колдоого, алардын өсүп-өнүгүүсүнө стимул берүүгө багытталган.
Биз ар бир катышуучубуз менен сыймыктанабыз жана бул долбоорду ишке ашырууга мүмкүнчүлүк берген өнөктөштөрүбүзгө ыраазычылык билдиребиз. Кыялдарыңарга ишенип, бул программа жаңы жетишкендиктердин башталышы болсун!
#Education #Scholarship #HopeScholarship