Бел-Алды айылындагы №21 мектепти интерактивдүү доскалар жана металл шкафтар менен камсыздоо
Ы. Алымбеков атындагы №21 мектепти заманбап жабдуу менен камсыздоонун маанилүү этабы аяктады. Биргелешкен күч-аракеттин жана софинансирование (co-funding) мамилесинин аркасында билим берүү мекемеси өнүгүүнүн жаңы деңгээлине чыгууда.
📊 Негизги жыйынтыктар жана фактылар:
- 6 интерактивдүү панель өткөн окуу жылында орнотулган.
- 12 заманбап панель жана 60 металл шкаф (480 бөлүмү менен) ушул окуу жылында тапшырылды.
- Мектеп эми интерактивдүү сабактарды, ачык сабактарды өткөрүү жана окуучуларды ЖРТга даярдоо үчүн заманбап технологиялар жана бекем материалдык база менен толук камсыз болду.
Бул долбоордун башкы өзгөчөлүгү — тургундардын өздөрүнүн демилгеси. Жергиликтүү коомчулук мектепти өнүктүрүү идеясын өзү сунуштап, ал эми Good Neighbors Kyrgyz Republic көмөктөш катары колдоо көрсөттү. Жергиликтүү тургундардын, жергиликтүү бийликтин жана Токтогул өнүктүрүү фонддорунун ресурстарын бириктирип, биз софинансирование (co-funding) мамилесин колдондук. Бул коомчулуктун өз айланасындагы турмушту өз алдынча өзгөртүүсүнө, салым кошуусуна жана өзүн-өзү камсыздоо деңгээлин жогорулатууга жардам берет.
Жаңы интерактивдүү доскалар сабактарды жандуу жана кызыктуу кылса, металл шкафтар окуучулардын оор китептерди үйдөн ташуу муктаждыгын жоюп, алардын саламаттыгын жана сырткы сымбатын сактоого шарт түздү.
Биз бардык өнөктөштөргө, фонддорго жана жергиликтүү коомчулукка кайдыгер карабай, өсүп келе жаткан муунга кошкон салымы үчүн терең ыраазычылык билдиребиз! Биргелешип гана биз балдардын сапаттуу билими жана ийгиликтүү келечеги үчүн бекем пайдубал кура алабыз. 💚
🤝 Биздин долбоорлорду колдоп, балдардын келечегине өз салымыңызды кошууну каалайсызбы?
Сиз муну дал азыр жасай аласыз — жөн гана биздин баракчадагы актуалдуу сторис («Колдоо») бөлүмүндөгү QR-кодду сканерлеңиз! Атүгүл 100 сом да чоң мааниге ээ. ✨
Мектеп жетекчилигинин Инстаграмдагы видео-интервьюсу
Кыргызстандагы Гуд Нейборс уюмунун "Girls football club 2023" долбоору футболдогу кыздарды колдоо миссиясын улантууда.
Кэчее, 6-октябрь 2023-жылы Бишкек шаарындагы "Чемпион" спорт комплексинде Кыргыз Республикасындагы Гуд Нейборс уюму тарабынан ишке ашырылган "Girls football club 2023" долбоорунун алкагында кичи футбол боюнча финалдык этап өттү.
"Girls football club" долбоору алгач 2019-жылы Кыргызстандын үч регионунун өкүлдөрүнүн арасында кичи-футбол боюнча аялдар өспүрүмдөр турнири уюштуруу максатында башталган. Бул жылы долбоор кайрадан улантып, кыздардын спорт жаатындагы мүмкүнчүлүктөрүн жана укуктарын кеңейтүүгө багытталган миссиясын улантууда.
Мелдештин финалдык этабына 6-7-8-класстын кыздарынан турган төрт облустан: Чүй, Ысык-Көл, Жалал-Абад жана Ош облустарынан турган командалардын катышуусу кирет. Ар бири 10 кыздан турган жеңүүчү командалар Бишкек шаарындагы өз аймактарынын атынан чыгып, жеңүүчү наамы үчүн ат салышат.
Турнирдин биринчи этабы 2023-жылдын сентябрында 4 облуста Жамааттарды өнүктүрүү долбоорунун айылдарында өтүп, анда финалдык турнирге чыга турган командалар аныкталган.
"Биз бул долбоор кыздарга атаандаштык иш-чараларга катышууга гана эмес, коомубузда аялдар футболун мындан ары өнүктүрүүгө мүмкүнчүлүк берет деп ишенебиз. Спорт жеке өсүүгө өбөлгө түзөт, ден соолукту чыңдайт жана командада иштөө, урматтоо жана туруктуулук сыяктуу маанилүү баалуулуктарды калыптандырат", - деп белгиледи Кыргыз Республикасындагы Гуд Нейборс директору - Чжун Хонг Су .
Турнир аяктагандан кийин бул маанилүү күнү жеңүүчүлөрдү сыйлоо аземи болуп, ага Кыргызстан аялдар футбол Ассоциациясынын меймандары чакырылат. Биз бул долбоорду колдогон жана анын ийгиликтүү ишке ашырылышына салым кошкон бардык катышуучуларга ыраазычылык билдиребиз. Биздин максат - кыздарды жетишкендиктерге жетүүгө жана өз укуктарын бекемдөөгө шыктандыруу жана колдоо.
2023-жылдын 20 жана 27-июлунда Гуд Нейборс Кыргызстан уюму Ош жана Баткен облустарынын өкүлдөрү менен «Берекелүү аймак» долбоорунун жүрүшүн талкуулоо үчүн жемиштүү жолугушууларды өткөрдү. Талкууга айыл өнүктүрүү башкармалыктарынын, аймактык өнүктүрүү фонддорунун, айыл өкмөттөрүнүн, комитеттердин жана долбоордун өнөктөштөрүнүн жетекчилери активдүү катышты. Жолугушуулар ар бир айылдагы отчеттук иш-чаралар, ишке ашыруу көйгөйлөрүн чечүү, долбоорду алдыга жылдыруу жана 2023-жылдын аягына чейин иш-чараларды пландаштырууга арналды. Долбоордун натыйжалуулугун жогорулатууда фермерлердин жана жергиликтүү тургундардын баалуу пикири да маанилүү роль ойноду. Гуд Нейборс уюму «Берекелуу аймагы» долбоорун ийгиликтүү ишке ашырууга аракет кылып, мындан ары да аткаруу комитетинин жыйындарын жылына эки жолу өткөрүп турат.
*Кыргыз Республикасындагы айылдарды комплекстүү өнүктүрүү долбоору Кыргыз Республикасынын Өкмөтү, Айыл чарба министрлиги жана KOICA менен биргеликте 4 жылдын ичинде 30 айылда жакырчылыкты кыскартууга багытталган. Социал-экономикалык шарттарды жакшыртууга, аялдардын укуктарын илгерилетүүгө, айыл чарбасын туруктуу өнүктүрүүгө жана айылды өнүктүрүү саясатын колдоого багытталган.
2023-жылдын 26-июнунан 30-июнуна чейин Чунгбук университетинин (Корея Республикасы) профессорлору Кыргыз Республикасындагы «Берекелүү аймак» айылдарын комплекстүү өнүктүрүү долбооруна мониторинг жүргүзүү жана баалоо үчүн Кыргызстанга келишти. Алардын иш сапарынын максаты долбоордун натыйжалуулугун жана анын Ош жана Баткен облустарындагы 30 айылда жашаган жамааттардын жашоо шарттарын жакшыртууга тийгизген таасирин баалоо болгон.
Иш сапардын алкагында долбоордун ар кандай объектилерин, анын ичинде өнүктүрүү борборлорун, футбол аянтчаларын, газ жана суу менен камсыздоо системаларын, фельдшердик-акушердик пункттарды, ичүүчү суу резервуарларын, асфальтталган жолдорду жана бала бакчаларды карашты. Профессорлор жергиликтүү фермерлер менен активдүү баарлашып, алардын тажрыйбасын үйрөнүп, Кыргыз Республикасынын айыл чарбасы тууралуу түшүнүк алышты. Мониторингдин жана баалоонун натыйжалары консультациялар жана сунуштар аркылуу долбоорду башкарууда чечүүчү ролду ойноп, долбоордун максаттарына жетишүүгө олуттуу салым кошоору күтүлүүдө.
* Кыргыз Республикасындагы айылдарды комплекстүү өнүктүрүү долбоору Кыргыз Республикасынын Өкмөтү, Айыл чарба министрлиги жана KOICA менен биргеликте 4 жылдын ичинде 30 айылда жакырчылыкты кыскартууга багытталган. Социал-экономикалык шарттарды жакшыртууга, аялдардын укуктарын илгерилетүүгө, айыл чарбасын туруктуу өнүктүрүүгө жана айылды өнүктүрүү саясатын колдоого багытталган.