Жаңылыктар
Жаңылыктар Good Neighbors Kyrgyz Republic уюмунун программалык кызматкеринин бир күнү!

Good Neighbors Kyrgyz Republic уюмунун программалык кызматкеринин бир күнү!

Бүгүн биз Ош шаарындагы «Жапалак» коомчулукту өнүктүрүү долбооруна барабыз. Бул чыгарылышта биздин команданын жумуш күнү кандай өтөрүн көрсөтөбүз: интервью өткөрүүдөн жана окуучуларга канцелярдык топтомдорду таратуудан баштап, мектеп директору менен жолугушууга жана өзгөчө балдар менен таанышууга чейин.

Ар бир бала билим алууга жана өсүп-өнүгүүгө шарттарга укуктуу. Биз ал шарттарды сиздер менен биргеликте түзүп жатабыз!

✨ Биздин долбоорлорду актуалдуу сторис («Колдоо») бөлүмүндөгү QR-код аркылуу колдой аласыз. Ар бир жардам чоң мааниге ээ!

Инстаграмдагы рилс видеосу

Басылма датасы: 04 Ноябрь, 2026 жылы
Башка жаңылыктар:
«Менин укуктарым корголгон, менин милдеттерим маанилүү!» сүрөт конкурсу!

ЖОБО

«Менин укуктарым корголгон, менин милдеттерим маанилүү!»

сүрөт конкурсун өткөрүү жөнүндө

💡 Конкурстун урааны:

«Укуктар мүмкүнчүлүк берет, милдеттер өсүүгө жардам берет!»

 

1. Жалпы жоболор

«Менин укуктарым корголгон, менин милдеттерим маанилүү!» сүрөт конкурсу «Балдардын үнү» долбоорунун алкагында, Кыргыз Республикасындагы «Гуд Нейборс Интернешнл» Коомдук Фондунун коомчулукту өнүктүрүүнүн төрт программасынын (CDP) аймагында жайгашкан билим берүү уюмдарынын окуучулары арасында өткөрүлөт. Конкурс БУУнун Балдардын укуктары жөнүндө конвенциясын кабыл алуунун Бүткүл дүйнөлүк күнүнө (20-ноябрь) карата уюштурулууда.

Конкурс балдар менен өспүрүмдөрдүн өз укуктары жана милдеттери жөнүндө кабардарлыгын жогорулатууга, чыгармачылык жөндөмдөрүн өнүктүрүүгө, укуктук маданиятты, жоопкерчиликти жана башка адамдардын укуктарын урматтоо мамилесин калыптандырууга багытталган.

 

2. Конкурстун максаты

Чыгармачылык аркылуу балдарда жана өспүрүмдөрдө өз укуктары менен милдеттерин түшүнүүнү калыптандыруу, ошондой эле БУУнун Балдардын укуктары жөнүндө конвенциясынын жоболору тууралуу маалымдуулукту жогорулатуу.

 

3. Конкурстун милдеттери

  • Балдардын жана өспүрүмдөрдүн укуктук сабаттуулугун жогорулатуу;

  • Адам укуктарына жана баланын укуктарына урмат-сый менен мамиле кылууну калыптандыруу;

  • Өз жоруктары үчүн жоопкерчилик сезимин өнүктүрүү;

  • Катышуучулардын чыгармачылык жөндөмдөрүн жана көркөм өнөр көндүмдөрүн өнүктүрүү;

  • Балдардын укуктарын коргоо жана зомбулуктун алдын алуу маселелерине коомчулуктун көңүлүн буруу;

  • Урматтоо, теңчилик жана зомбулуксуздук идеяларын жайылтууга балдардын активдүү катышуусун сыйлоо/колдоо.

  •  

4. Конкурстун катышуучулары

Конкурска катышууга 13 жаштан 17 жашка чейинки балдар жана өспүрүмдөр чакырылат.

Конкурска төмөнкү аймактарда жайгашкан мектептердин окуучулары катышат:

  • Көк-Чу КӨД

  • Болот Мамбетов КӨД

  • Бел-Алды КӨД

  • Жапалак КӨД

Катышуучу мектептер:

  1. Ч. Түлөбердиев атындагы № 34 орто жалпы билим берүү мектеби

  2. Атабаев атындагы № 35 орто жалпы билим берүү мектеби

  3. А. Алиев атындагы № 30 орто жалпы билим берүү мектеби

  4. М. Мырзаев атындагы № 45 орто жалпы билим берүү мектеби (Ош ш.)

  5. № 48 орто жалпы билим берүү мектеби

  6. № 68 орто жалпы билим берүү мектеби

  7. Исхак Раззаков атындагы Төмөнкү Чүй орто мектеби

  8. Абсамат Масалиев атындагы Төмөнкү Чүй орто мектеби

  9. Аалы Токомбаев атындагы орто мектеп

  10. Б. Мамбетов атындагы орто мектеп

  11. А. Көлбаев атындагы орто мектеп

  12. Жусуп Турусбеков атындагы орто мектеп

  13. К. Тилеков атындагы орто мектеп

  14. Жума Жамгырчиев атындагы орто мектеп

  15. М. Догдуров атындагы орто мектеп (Тоң району)

  16. Тайлаков атындагы орто мектеп (Тоң району)

  17. Кубатбек Чокоев атындагы № 18 орто жалпы билим берүү мектеби

  18. Мукаш Жамгырканов атындагы № 22 орто жалпы билим берүү мектеби

  19. Кулманбет Токторалиев атындагы № 30 орто жалпы билим берүү мектеби

  20. Муктар Нургазиев атындагы № 29 орто жалпы билим берүү мектеби

  21. Салаев атындагы № 34 орто жалпы билим берүү мектеби

  22. Бекназар атындагы № 32 орто жалпы билим берүү мектеби

  23. Артыкбаев атындагы № 33 орто жалпы билим берүү мектеби

  24. Ы. Алымбеков атындагы № 21 орто жалпы билим берүү мектеби

  25. Токтонаалы Ашыралиев атындагы № 19 орто жалпы билим берүү мектеби

  26. Абдыманап Мамыров атындагы орто мектеп

  27. Т. Жундубаев атындагы № 20 орто мектеп

 

5. Конкурстук иштердин тематикасы

Конкурстук иштер төмөнкү темаларды чагылдырышы мүмкүн:

  • Билим алууга болгон укук;

  • Зомбулуктан коргонууга болгон укук;

  • Ден соолукка жана бакубаттуулукка болгон укук;

  • Эс алууга, бош убакытка жана өнүгүүгө болгон укук;

  • Өз пикирин билдирүүгө болгон укук;

  • Баланын үй-бүлөдөгү, мектептеги жана коомдогу милдеттери;

  • Өз ара урматтоо, жоопкерчилик жана достук;

  • Зомбулуксуз дүйнө;

  • Балдар үчүн коопсуз жана жагымдуу чөйрө;

  • Баланын укуктарын сактоо жана коргоо.

 

6. Конкурстук иштерге коюлуучу талаптар

  • Иш конкурстун темасына шайкеш келиши керек.

  • Ар бир катышуучу 1ден ашык эмес иш сунуштай алат.

  • Иш катышуучу тарабынан өз алдынча аткарылышы керек.

  • Каалагандай көркөм ыкмаларды/техниканы колдонууга уруксат берилет (карандаш, акварель, гуашь, пастель, фломастерлер ж.б.).

  • Иштин форматы: А3.

  • Иш тыкан жана аягына чыккан (бүткөрүлгөн) түрдө аткарылышы керек.

  • Мөөнөтү (дедлайн): 2026-жылдын 10-ноябры.

Иштин арткы бетине сөзсүз түрдө төмөнкүлөрдү көрсөтүү зарыл:

  1. Катышуучунун аты-жөнү;

  2. Жашы;

  3. Классы;

  4. Билим берүү уюмунун аталышы;

  5. Калктуу пункт;

  6. Мугалимдин аты-жөнү (бар болсо);

  7. Байланыш телефону.

 

7. Баалоо критерийлери

Конкурстук иштер төмөнкү критерийлер боюнча бааланат:

Критерий

Максималдуу балл

Конкурстун темасына шайкештиги

20

Баланын укуктары жана милдеттери темасынын ачылышы

20

Идеянын оригиналдуулугу

20

Көркөм чеберчилиги жана аткаруу сапаты

20

Чыгармачыл мамиле жана иштин таасирдүүлүгү

20

Жалпы

100

 

8. Жыйынтыкты чыгаруу тартиби

  • Конкурстук иштерди баалоону конкурс уюштуруучулары тарабынан түзүлгөн конкурстук комиссия жүзөгө ашырат.

  • Жеңүүчүлөр топтолгон балдардын суммасы боюнча аныкталат.

  • Конкурстук комиссия кошумча номинацияларды белгилөө укугун өзүнө калтырат.

 

9. Сыйлоо

Конкурстун эң мыкты иштери Бүткүл дүйнөлүк балдар күнүнө карата «Балдардын үнү» долбоорунун алкагында өткөрүлүүчү «Менин үнүм – менин келечегим» фестивалында көрсөтүлөт.

Эң мыкты иштердин авторлору төмөнкүлөр менен сыйланышат:

  • 📜 Дипломдор;

  • 🎁 Эстелик белектер;

  • 🏆 Баалуу сыйлыктар.

Конкурстун бардык катышуучуларына катышкандыгы үчүн сертификаттар берилет.

 

10. Корутунду жоболор

Ишти конкурска тапшыруу менен катышуучулар ушул Жобого макулдугун ырасташат жана уюштуруучуларга конкурстук иштерди көргөзмөлөрдү, презентацияларды өткөрүүдө, долбоордун маалыматтык материалдарында, социалдык тармактарда жарыялоодо жана башка коммерциялык эмес максаттарда авторлукту милдеттүү түрдө көрсөтүү менен пайдалануу укугун беришет.

Биз балдарды жана өспүрүмдөрдү чыгармачылык аркылуу укуктарды, милдеттерди, урмат-сыйды, жоопкерчиликти жана зомбулуксуз дүйнөнү өз түшүнүгүндө чагылдырып көрсөтүүгө чакырабыз!

27 Октябрь, 2026 жылы
Толугу менен окуңуз
2026-жылдагы балдардын медициналык кароосунун жыйынтыктары

Программабыздын төрт регионунда — Кок-Чу, Б. Мамбетов, Бел-Алды жана Жапалак аймактарында балдарды медициналык текшерүүдөн өткөрүүнүн масштабдуу этабы жыйынтыкталды. Эки ай бою «Кроха» балдар клиникасынын адистери балдардын ден соолугунун өзгөчөлүктөрүн өз убагында аныктоо жана зарыл болгон колдоону көрсөтүү үчүн комплекстүү кароо жүргүзүштү.

📊 Сандар жана фактылар:
- 7 453 бала келишим боюнча камтылышы пландалган.
- 340 баланы «Кроха» клиникасы кошумча жана толугу менен акысыз текшерди.
- 7 793 бала 2026-жылы жалпысынан баштапкы медициналык кароодон өттү!

Текшерүүнүн жыйынтыгы боюнча профилдик адистер өзгөчө көңүл бурууну талап кылган негизги багыттарды белгилешти: көрүүнүн начарлашынын (миопия) 314 учуру, өнөкөт тонзиллиттин 158 учуру жана кулактагы серник бүтөлүүлөрүнүн (серные пробки) 248 учуру, ошондой эле башка медициналык көрсөтмөлөр аныкталды.

Алынган маалыматтар азыркы тапта биздин команда тарабынан иштелип чыгууда. Ар бир баланын дени сак жана чың болуп өсүүсү үчүн бардык жыйынтыктар 2027-жылга карата саламаттыкты сактоо тармагындагы жаңы долбоорлорду, демилгелерди жана даректүү жардамдарды пландаштырууга негиз болот.

Өсүп келе жаткан муундун келечегине кам көргөндүгү үчүн өнөктөштөрүбүзгө жана бардык салым кошконуштуктарга ыраазычылык билдиребиз!

22 Октябрь, 2026 жылы
Толугу менен окуңуз
Социалдык коргоо жана профсоюз кызматкерлеринин күнү менен!

Бүгүн — Кыргызстандын социалдык коргоо жана профсоюз кызматкерлеринин күнү. Бул — эмгеги ар дайым көрүнө бербеген, бирок кыйын кырдаалга туш болгондорго камкордук көрсөтүүнү аларсыз элестетүү мүмкүн болбогон адамдардын майрамы.

Бирок бул кесиптин айланасында дагы эле көптөгөн стереотиптер бар. Биз социалдык кызматкерлер тууралуу 5 мифти чогултуп, аларды карусель аркылуу жокко чыгарабыз. Иш жүзүндө кандай экенин билүү үчүн жылдырыңыз

20 Октябрь, 2026 жылы
Толугу менен окуңуз