Арыз формасы кабыл алуу жарыясы
ШИН ДОН МИН СТИПЕНДИЯСЫНА АРЫЗ БЕРҮҮ НУСКАМАСЫ
Долбоордун аталышы: Шин Дон Мин стипендиялык программасы
Стипендиялардын саны: 4
Гранттын өлчөмү: 36,000 сом
Тапшыруу мөөнөтү: 15 октябрь 2025, 23:59(Бишкек) чейин
kyrgyzrepublic@goodneighbors.org
Толтуруy формасы:
https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
-
- Уюм жөнүндө:
Good Neighbors - 1991-жылдан бери 40 өлкөдө иштеген эл аралык гуманитардык уюм. Уюм жамааттарды өнүктүрүүгө, балдардын укуктарын коргоого жана билим алууга жана саламаттыкты сактоого жеткиликтүүлүктү кеңейтүүгө багытталган. Кыргызстанда Good Neighbors 2014-жылдан бери айыл аймактарын социалдык жана экономикалык жактан өнүктүрүү, жашоо шартын, балдардын жана аялдардын укуктарын жакшыртуу, ошондой эле калктын экономикалык бакубаттуулугун колдоо менен иштеп келет. Уюм жергиликтүү жамааттар жана бийлик органдары менен активдүү кызматташат, болгон өнөктөштүктү бекемдейт жана жаңыларын түзөт. Азыр Good Neighbors коомчулукту өнүктүрүү боюнча бир нече долбоорлорду, анын ичинде Корея эл аралык кызматташтык агенттиги (KOICA) менен көп жылдык долбоорду ишке ашырууда.
-
- Жалпы жобо
Стипендиялык программа айыл жериндеги жаштарга университет жана колледждерге кирүү үчүн каржылык колдоо көрсөтүп, 1-жылдык окуу акысын жарым-жартылай же толугу менен жабат. Сынак 2025-жылдын сентябрында университеттин/колледждин биринчи курска кирген, демөөрчү жана мурунку демөөрчү болгон балдар үчүн ачык. Бардыгы болуп төрт стипендия бөлүнөт, алардын ар бири 36 000 сомдон. Программа айыл жерлеринен келген студенттердин каржылык жүгүн азайтууга жана сапаттуу билим алууга бирдей мүмкүнчүлүктү камсыз кылууга багытталган. Стипендия университеттин же колледждин окуу акысын төлөө үчүн гана берилет, андыктан жеңүүчүлөр төлөмдү тастыктаган тиешелүү документтерди тапшырышы керек.
-
- Катышуу критерийлери
Өтүнмө ээси төмөнкү талаптарга жооп бериши керек:
- Демөөрчүлүк программасынын учурдагы же мурдагы катышуучусу болуу;
- 2025-2026-окуу жылында күндүзгү университеттин же колледждин биринчи курсунун студенти болуу (контракттык негизде окуугандар үчүн);
- Жашаган жери боюнча төмөнкү айыл өкмөттөрдүн биринде катталууга тийиш:
- Төмөнкү-Чүй айыл өкмөтү (Сокулук району, Чүй облусу);
- Болот Мамбетов айыл өкмөтү (Тоң району, Ысык-Көл облусу);
- Абды Сүйркулов айыл өкмөтү (Токтогул району, Жалал-Абад облусу);
- Үч-Терек айыл өкмөтү (Токтогул району, Жалал-Абад облусу);
- Жапалак айыл өкмөтү;
- Жогорку академиялык жетишкендикке (Ош ш.);
- Окуудан тышкаркы иш-чараларга (волонтердук, клубдар, конкурстар ж.б.) катышуу
-
- Документтерди берүү
Сынакка катышуу үчүн документтердин толук пакетин даярдап, 15-октябрга чейин 2025-жыл, 23:59 (Бишкек убактысы боюнча) электрондук почтага жөнөтүү зарыл kyrgyzrepublic@goodneighbors.org.
Документтердин пакети төмөнкүлөрдү камтыйт:
- толтурулган жана кол коюлган арыз (1-тиркеме);
- университеттин же колледждин студенти экениңизди тастыктаган күбөлүк/тастыктама;
- окуу акысын тастыктаган документ (окуу формасын көрсөтүү менен келишимдин көчүрмөсү – акы төлөнүүчү же акысыз, же акы төлөнгөндүгү тууралуу квитанция);
- билими тууралуу аттестат (9 — класс үчүн-колледж студенттери үчүн; 11 — класс үчүн-Университеттин студенттери үчүн);
- мугалимдин же мектептин/Университеттин администрациясынын сунуш каты.
-
- Тандоо процесси
Стипендиаттарды тандоо процесси эки этаптан турат:
1-тап. Документтерди текшерүү
- Электрондук почтага жөнөтүлгөн бардык документтер талапка ылайык текшерилет.
- Документтер топтому толук жана туура ирээттелген болгон шартта гана кийинги этапка катышууга уруксат берилет.
- 2-этапка пакетин тапшырган катышуучуларга гана уруксат берилет.
Көңүл буруңуз:
- Бардык документтердин туура толтурулгандыгын, кол коюлгандыгын жана окулгандыгын текшериңиз.
- Толук эмес же туура эмес толтурулган арыздар каралбайт.
- Белгиленген мөөнөттөн кийин келип түшкөн арыздар кабыл алынбайт.
2-тап. Арыздарды баалоо
- Ички комиссия ар бир катышуучунун портфолиосун баалайт.
- Баалоонун негизинде өлкөнүн ар бир районунан бирден, жалпы төрт жеңүүчү тандалат.
- Ар бир жеңүүчү конкурстун жыйынтыгы жөнүндө жеке кабардар болот.
Эскертүү:
Тандоо командасы Конкурстун жеңүүчүлөрү менен гана байланышат. Эгер сиз 2025-жылдын октябрь айынын аягына чейин билдирүү албасаңыз, тилекке каршы, сиздин арызыңыз тандалган жок.
-
- Өтүнмөнүн этаптары жана мөөнөттөрү
|
Стипендиялык программаны жарыялоо |
18-сентябрь, 2025-жыл. |
|
Арыздарды кабыл алуу мөөнөтү |
15-октябрь, 2025-жыл. |
|
Комиссия тарабынан арыздарды кароо жана баалоо |
2025-жылдын октябрь айынын ортосу. |
|
Жеңүүчүлөрдү жарыялоо |
2025-жылдын октябрь айынын аягы. |
|
Сыйлык тапшыруу аземи |
2025-жылдын октябрынын аягы-ноябрдын башында. |
Документтер орус же кыргыз тилдеринде PDF форматында берилиши керек.
Билдирмелер ж.б бардык маселелер боюнча Айтимбетова Айдайга кайрылыңыздар - aaitimbetova@goodneighbors.kg же номери боюнча +996 555 112 012
Кыргыз Республикасындагы Гуд Нейборс 2023-жылы Талас облусунун Талас районундагы Беш-Таш айыл өкмөтүнө караштуу Кызыл-Туу айылындагы Байсейит уулу Эшманбет атындагы орто мектебинде ИКТ кабинетин жана видеотасма тартуу студиясын жабдуу долбоорун аяктады.
2024-жылы GNKGZ мектеп мугалимдери үчүн STEAM билим берүү технологиясы боюнча бир катар программалык тренингдерди өткөрүүнү пландаштырууда.
STEAM технологиясы боюнча окутуучу өнөктөштөрүбүз (https://mugalim-edu.com/) мектеп мугалимдери менен жолугушуп, алардын жаңы окутуу технологиясын түшүнүү жана өздөштүрүү деңгээлин баалашты. Алдыдагы тренингдердин натыйжалуулугун максималдуу жогорулатуу максатында мугалимдердин бардык сунуштары жана комментарийлери эске алынды.
Долбоордун максаты — мектептин базасында STEAM борборлорун түзүү, анда балдар жаңы инновациялык ыкма менен мектеп программасын окушат жана алган билимдерин практикада колдонушат. Борборлордо мектеп билимдерин практикалык өздөштүрүү үчүн бардык алдыңкы аспаптар жана жабдыктар жеткиликтүү болот.
#Education #STEAM
2024-жылдын июль айында «Айым» аялдар коому Кыргыз Республикасындагы Гуд Нейборс менен биргеликте Иссык-Көлдүн жээгинде мобилдүүлүгү чектелген адамдар үчүн жайкы лагерь уюштурду.
Иш-чарага катышкан 13 адам «Солемар» эс алуу борборунда үч күн бою күнөстүү, унутулгус күндөрдү өткөрүштү. Борбордун жетекчилиги толук кандуу эс алууга мүмкүнчүлүк берди. Бул борбордо жүрүү өзгөчө ыңгайлуу болду, анткени аймак майыптардын жүрүүсү үчүн ыңгайлаштырылган: пандустар жана эс алуу аймагында, ошондой эле пляжда ыңгайлуу жолдор бар.
Үч күн бою катышуучулар Иссык-Көлдүн кооздугунан ырахат алышты, баарлашып, ийгилик окуялары менен бөлүшүшүп, бири-бирин шыктандырышты. Баары Бишкекке сонун таасирлер менен кайтып келип, келечектеги жашоо кыйынчылыктарын жеңүүгө шыктанышты жана жаңыланды.
Бул иш-чара «Red Petroleum» май куюучу жайлар тармагынын жардамы менен да ишке ашты!
Долбоор жөнүндө: https://www.instagram.com/p/Cmduosho5ZD/?img_index=1
#WomenTaxi #InclusiveTaxi #WomentaxiAyim #ZhenskoeTaxiBishkek #Inclusiveness #AccessibleInfrastructureinthecity
22-июнь 2024-жылы "Айым" аялдар коомчулугу Кыргыз Республикасындагы Гуд Нейборс менен биргеликте кыймылы чектелген адамдар үчүн Ысык-Ата районунун тоолоруна саякат уюштурушкан.
Катышуучулар шаарда транспортту колдонууда бир катар кыйынчылыктарга туш болушат жана айрым турак жайлар зарыл инфраструктуранын жоктугунан биздин бенефициарларыбызга сыртка ээн-эркин чыгууга мүмкүнчүлүк бербейт.
Бирок бул күнү катышуучулар таза абада өлкөбүздүн жаратылышына ырахаттанып, унутулгус күн өткөрүштү.
Бул саякат да демөөрчүлөрдүн: Кыргыз Республикасындагы Эл аралык «Эмират» кайрымдуулук уюмунун жана «Red Petroleum» май куюучу станциялар тармагынын аркасы менен ишке ашты!
#WomenTaxi #InclusiveTaxi #WomentaxiAyim #ZhenskoeTaxiBishkek #Inclusiveness #AccessibleInfrastructureinthecity