Good Neighbors Kyrgyz Republic жана КНАУ кызматташуу жөнүндө меморандумга кол коюшту
2026-жылдын 21-майында Good Neighbors Kyrgyz Republic уюмунун директору Чо Сунхенг менен К.И. Скрябин атындагы Кыргыз улуттук агрардык университетинин ректору Нурзат Эрмековна Тотубаева менен жолугушуу болуп өттү.
Жолугушуунун жүрүшүндө тараптар мындан аркы кызматташуу маселелерин, биргелешкен ишмердүүлүктүн келечектүү багыттарын, ошондой эле айыл чарба, билим берүү жана жергиликтүү жамааттарды өнүктүрүү боюнча долбоорлорду ишке ашырууну талкуулашты. Өзгөчө көңүл инновациялык агротехнологияларды киргизүүгө, илимий-изилдөө иштерин өнүктүрүүгө жана фермерлердин квалификациясын жогорулатууга бурулду.
Жолугушуунун жыйынтыгында Good Neighbors Kyrgyz Republic менен К.И. Скрябин атындагы Кыргыз улуттук агрардык университетинин ортосунда Кызматташуу жөнүндө меморандумга кол коюлду. Меморандум заманбап агротехнологияларды киргизүү, айыл чарба өсүмдүктөрүн өстүрүү, анын ичинде IN VITRO илимий-өндүрүштүк лабораториясы аркылуу иш алып баруу, ошондой эле биргелешкен илимий жана билим берүү демилгелерин ишке ашыруу багытындагы өнөктөштүктү бекемдөөгө багытталган.
Кол коюу аземинен кийин Good Neighbors Kyrgyz Republic уюмунун өкүлдөрү үчүн IN VITRO илимий-өндүрүштүк лабораториясына экскурсия уюштурулду. Экскурсиянын жүрүшүндө лабораториянын ишмердүүлүгүнүн жыйынтыктары, анын ичинде заманбап биотехнологияларды колдонуу менен вируссуз картошка жана башка айыл чарба продукцияларын өстүрүү боюнча иштер тааныштырылды.
Белгилей кетсек, ушул жылы Good Neighbors Kyrgyz Republic университет менен биргеликте Ысык-Көл облусунун Болот Мамбетов айылында вируссуз көчөттөрдү өстүрүү боюнча пилоттук долбоорду ишке ашырууда.
Тараптар бул кызматташтык Кыргызстандын айыл чарбасын өнүктүрүүгө жана фермерлерди колдоого багытталган туруктуу жана натыйжалуу долбоорлорду ишке ашырууга өбөлгө түзөрүнө ишеним билдиришти.
2025-жыл биздин уюм үчүн жаңы өнөктөштүктөрдүн, туруктуу чечимдердин жана маанилүү жетишкендиктердин жылы болду. Мамлекеттик органдар, өнөктөштөр, донорлор жана жергиликтүү жамааттар менен биргеликте үй-бүлөлөрдүн жашоо сапатын жогорулатуу, балдардын укуктарын коргоо жана коомдоштуктарды туруктуу өнүктүрүү багытында ишибизди уланттык.
Карусельден биздин биргелешкен аракетибиздин аркасында ишке ашкан негизги натыйжаларды, долбоорлорду жана өзгөрүүлөрдүн тарыхын таба аласыздар.
«Good Neighbors» менен бирге жакшы өзгөрүүлөрдүн бир бөлүгү болуп жатканыңыз үчүн рахмат!
Натыйжалар тууралуу кененирээк Инстаграмдагы билдирүүдөн окуп чыгыңыздар
Бүгүн биз Ош шаарындагы «Жапалак» коомчулукту өнүктүрүү долбооруна барабыз. Бул чыгарылышта биздин команданын жумуш күнү кандай өтөрүн көрсөтөбүз: интервью өткөрүүдөн жана окуучуларга канцелярдык топтомдорду таратуудан баштап, мектеп директору менен жолугушууга жана өзгөчө балдар менен таанышууга чейин.
Ар бир бала билим алууга жана өсүп-өнүгүүгө шарттарга укуктуу. Биз ал шарттарды сиздер менен биргеликте түзүп жатабыз!
✨ Биздин долбоорлорду актуалдуу сторис («Колдоо») бөлүмүндөгү QR-код аркылуу колдой аласыз. Ар бир жардам чоң мааниге ээ!
Инстаграмдагы рилс видеосу
Ы. Алымбеков атындагы №21 мектепти заманбап жабдуу менен камсыздоонун маанилүү этабы аяктады. Биргелешкен күч-аракеттин жана софинансирование (co-funding) мамилесинин аркасында билим берүү мекемеси өнүгүүнүн жаңы деңгээлине чыгууда.
📊 Негизги жыйынтыктар жана фактылар:
- 6 интерактивдүү панель өткөн окуу жылында орнотулган.
- 12 заманбап панель жана 60 металл шкаф (480 бөлүмү менен) ушул окуу жылында тапшырылды.
- Мектеп эми интерактивдүү сабактарды, ачык сабактарды өткөрүү жана окуучуларды ЖРТга даярдоо үчүн заманбап технологиялар жана бекем материалдык база менен толук камсыз болду.
Бул долбоордун башкы өзгөчөлүгү — тургундардын өздөрүнүн демилгеси. Жергиликтүү коомчулук мектепти өнүктүрүү идеясын өзү сунуштап, ал эми Good Neighbors Kyrgyz Republic көмөктөш катары колдоо көрсөттү. Жергиликтүү тургундардын, жергиликтүү бийликтин жана Токтогул өнүктүрүү фонддорунун ресурстарын бириктирип, биз софинансирование (co-funding) мамилесин колдондук. Бул коомчулуктун өз айланасындагы турмушту өз алдынча өзгөртүүсүнө, салым кошуусуна жана өзүн-өзү камсыздоо деңгээлин жогорулатууга жардам берет.
Жаңы интерактивдүү доскалар сабактарды жандуу жана кызыктуу кылса, металл шкафтар окуучулардын оор китептерди үйдөн ташуу муктаждыгын жоюп, алардын саламаттыгын жана сырткы сымбатын сактоого шарт түздү.
Биз бардык өнөктөштөргө, фонддорго жана жергиликтүү коомчулукка кайдыгер карабай, өсүп келе жаткан муунга кошкон салымы үчүн терең ыраазычылык билдиребиз! Биргелешип гана биз балдардын сапаттуу билими жана ийгиликтүү келечеги үчүн бекем пайдубал кура алабыз. 💚
🤝 Биздин долбоорлорду колдоп, балдардын келечегине өз салымыңызды кошууну каалайсызбы?
Сиз муну дал азыр жасай аласыз — жөн гана биздин баракчадагы актуалдуу сторис («Колдоо») бөлүмүндөгү QR-кодду сканерлеңиз! Атүгүл 100 сом да чоң мааниге ээ. ✨
Мектеп жетекчилигинин Инстаграмдагы видео-интервьюсу