Кыргызстандын түштүк аймактары үчүн мектептеги суу менен камсыздоо, санитария жана гигиена семинары.
4-сентябрда Ош шаарында БУУнун Дүйнөлүк азык-түлүк программасы (БУУ ДАТП) Корея Эл аралык Кызматташтык Агенттиги (KOICA), КР Агартуу министрлиги, КР Саламаттыкты сактоо министрлиги жана Good Neighbors Kyrgyz Republic уюму менен биргеликте Кыргызстандын түштүк аймактарындагы мектеп өкүлдөрү үчүн мектептеги суу менен камсыздоо, санитария жана гигиена (WASH) боюнча практикалык семинар өткөрдү.
Ош шаарындагы семинар 28-августта Бишкек шаарында башталган демилгенин уландысы болуп, Ош, Жалал-Абад жана Баткен облустарынын мектеп директорлорун, педагогдорун, ошондой эле мектептеги саламаттыкты сактоо жана суу менен камсыздоо, санитария жана гигиена (WASH) комитеттеринин өкүлдөрүн бириктирди.
Семинардын башкы максаты мектеп администрацияларына таза суу, санитария жана гигиена (WASH) чараларын киргизүү боюнча практикалык колдонмону жана маалыматтык-билим берүү материалдарын (буклеттерди жана плакаттарды) тапшыруу болду.
Мектептерде суу менен камсыздоо, санитария жана гигиена (WASH) багытын өнүктүрүү эмнелерди камтыйт?
🔹 Коопсуз таза сууга жана сапаттуу санитардык шарттарга жеткиликтүүлүк.
🔹 Кол жуу үчүн ыңгайлуу жайлар жана тамактануу гигиенасынын эрежелерин сактоо.
🔹 Бардык балдар, анын ичинде майыптыгы бар балдар үчүн инклюзивдүү, жеткиликтүү жана ыңгайлуу чөйрөнү түзүү.
Өлкөнүн бардык аймактарында таза суу, санитария жана гигиена (WASH) чараларын жайылтуу - ар бир бала үчүн коопсуз, дени сак жана инклюзивдүү чөйрөнү түзүүгө кошкон бирдиктүү салымыбыз!
Демилге жана шыктандыруучу окуялар тууралуу көбүрөөк билүү үчүн YouTube'дагы толук видеону көрүңүз!
https://youtu.be/XlpX7wVx-uU?si=h_JCZzm9Q2wte84P
Бул видеодо жергиликтүү фермерлерди жеткиликтүү кредит аркылуу колдоого багытталган Good Neighbors долбоорунун шыктандыруучу окуясы менен бөлүшөт. Каармандарыбыз тажрыйбалуу балчылар Руслан Тойчубеков менен Мунарбек Жаманкуловдор заманбап бал челектерин жана аары ящиктерин арзан пайыз менен насыяга алышты.
Бул долбоордун аркасында алардын аарычылык бизнеси гүлдөдү. Сиз алардын бал челектерин, үй чарбаларын көрүп, Гуд Нейборстун колдоосу алардын жашоосун кантип жакшыртып, жергиликтүү өндүрүштү кантип жогорулатканын билесиз.
Долбоор жөнүндө: Токтогул балы 2022-жылы ишке киргизген киреше алып келүүчү долбоорлордун бири. Бул аралыкта биз 4,2 миллион сомго жакын каражат бөлдүк. Биздин бенефициарларыбыз 19 адам.
Бул долбоордун максаты жергиликтүү дыйкандардын кирешесин жана Токтогул бал брендин жогорулатуу болуп саналат.
#Honey #IncomeGeneration
Кыргыз Республикасындагы Гуд Нейборс 2024-жылдын 14-ноябрынан 22-ноябрына чейин Айылдык Денсоолук Комитеттери (АДК) үчүн анемиянын жана микроэлементтердин жетишсиздигинин алдын алуу боюнча тренингдерди өткөрөт. Бул иш-чаралар «Айылдык ден соолук комитеттери менен өнөктөштүктө жамааттын ден соолугун чыңдоо» долбоорунун алкагында Сокулук, Тоң, Токтогул жана Кара-Суу райондорунда райондук деңгээлде Республикалык ден соолукту чыңдоо жана массалык коммуникация борбору менен биргеликте өткөрүлөт.
Өлкөнүн алыскы аймактарында, айрыкча балдар жана аялдар арасында, начар тамактануу кесепетинен анемия жана темир менен микроэлементтердин жетишсиздиги олуттуу көйгөйгө айланган. Тренингдин негизги максаты – АДКнын ыктыярчыларынын, активисттеринин жана лидерлеринин толук кандуу тамактануунун маанилүүлүгүн түшүнүүсүн арттыруу жана бул көйгөйлөрдүн алдын алуу үчүн зарыл чараларды көрүүдө аларды билим менен камсыз кылуу.
Тренингдерден кийин АДК өкүлдөрү калк арасында түшүндүрүү иштерин жүргүзүшүп, маалыматтык материалдарды колдонушат. Бул иш-аракеттер жамааттын ден соолугун жакшыртууга жана анемия менен күрөшүүгө багытталган.
#Health #CHW #CommunityHealthWorkers
Биздин жамааттардагы Бүтүрүүчүлөрдү Колдоо Программасынын алкагында, Кыргыз Республикасындагы Гуд Нейборс жогорку класстын окуучулары жана бүтүрүүчүлөр үчүн бир катар тренингдерди өткөрдү. Бул долбоор кесиптик багыт берүү, көндүмдөрдү өнүктүрүү жана билимди кеңейтүү, ошондой эле Кыргызстандын жана башка өлкөлөрдүн алдыңкы жогорку окуу жайларына тапшыруу мүмкүнчүлүктөрүн камсыз кылууга багытталган.
Катышуучуларыбыз баалуу кеңештерди жана билимди гана алышпастан, экскурсияларга жана мастер-класстарга да барып, билим алуу жана иштөө шарттарын өз көздөрү менен көрүүгө мүмкүнчүлүк алышты. Бул ийгиликтүү келечек түзүү үчүн шыктандыруучу, практикалык тажрыйба алууга жана кандай кадамдарды жасоо керектигин түшүнүүгө уникалдуу мүмкүнчүлүк.
Биз мындай демилгелер жаштардын потенциалын ачууга жана кесипти аң-сезимдүү тандоого жардам берет деп ишенебиз. Биздин айылдардагы жана анын чегинен тышкары жаш муунду колдогон жана шыктандырган баардык адамдарга ыраазычылык билдиребиз!
#SponsorshipService #GraduatesSupportProgram