КӨҢҮЛ БУРУҢУЗДАР! ТЕНДЕРЛЕР!
1. Тендер: Телевизорду (110–115 дюйм), жылма стендди жана презентерди (кликерди) жеткирүү
Долбоор жөнүндө:
Good Neighbors кеңсесинин конференц-залында презентацияларды, тренингдерди, жыйындарды жана видеоконференцияларды өткөрүү үчүн мобилдик дөңгөлөктүү стенди жана зымсыз презентер (кликер) менен кошо кең форматтагы дисплейди/телевизорду (110–115 дюйм, 4K UHD, HDR, Smart TV) сатып алуу. Сунуштун баасына жеткирүү, мобилдик стендди чогултуу, дисплейди орнотуу, жөндөө жана ишке киргизүү кирүүгө тийиш.
Тапшыруунун акыркы мөөнөтү: 2026-жылдын 20-октябры, саат 18:00гө чейин
Тапшыруу ыкмасы: «Телевизор» деген милдеттүү тема белгиси менен administration@goodneighbors.kg электрондук почтасына
Кеңири маалыматты tenders.kg сайтынан №32258 «Запрос коммерческих предложений: Поставка телевизора, диагональ 110-115 дюйм. Мобильная подставка. Кликер» номери астынан караңыздар (жарыяланган күнү: 14.10.2026-ж.).
2. Тендер: Билим берүү, мультимедиа жана коопсуздук жабдууларын жеткирүү, орнотуу жана ишке киргизүү
Долбоор жөнүндө:
Токтогул районунун Билим берүү бөлүмүн, Ы. Алыбеков атындагы №21 орто мектебин, ошондой эле «Нур» жана «Ак-Шоола» балдар бакчаларын (Жалал-Абад облусу, Токтогул району, Сары-Сегет айылы) заманбап билим берүү, мультимедиалык жабдуулар, коопсуздук системалары менен камсыздоо. Жабдуулардын тизмесине интерактивдүү панелдер (86" жана 75"), кесипкөй аудио жабдуулар, видеокөзөмөл системалары (20 IP-камера, NVR, УББ, тармактык шкафтар жана кабелдер), ошондой эле толук монтаждоо жана жөндөө иштери менен түстүү сыялуу МФУлар жана ламинаторлор кирет.
Тапшыруунун акыркы мөөнөтү: 2026-жылдын 21-октябры, саат 17:00гө чейин
Тапшыруу ыкмасы: «Оборудование в Токтогул» деген милдеттүү белгиси бар А4 форматындагы конвертте кагаз түрүндөгү билдирме төмөнкү дарек боюнча кабыл алынат: Бишкек ш., Иманалы Айдарбеков көч., 6 (2-кабат, Good Neighbors административдик бөлүмү). Бардык суроолор боюнча administration@goodneighbors.kg электрондук дарегине кайрылыңыздар.
Кеңири маалыматты tenders.kg сайтынан №32150 «Поставка, установка и ввод в эксплуатацию образовательного, мультимедийного и оборудования безопасности» номери астынан караңыздар (жарыяланган күнү: 08.10.2026-ж.).
Кыргыз Республикасындагы Гуд Нейборс 2024-жылдын 14-ноябрынан 22-ноябрына чейин Айылдык Денсоолук Комитеттери (АДК) үчүн анемиянын жана микроэлементтердин жетишсиздигинин алдын алуу боюнча тренингдерди өткөрөт. Бул иш-чаралар «Айылдык ден соолук комитеттери менен өнөктөштүктө жамааттын ден соолугун чыңдоо» долбоорунун алкагында Сокулук, Тоң, Токтогул жана Кара-Суу райондорунда райондук деңгээлде Республикалык ден соолукту чыңдоо жана массалык коммуникация борбору менен биргеликте өткөрүлөт.
Өлкөнүн алыскы аймактарында, айрыкча балдар жана аялдар арасында, начар тамактануу кесепетинен анемия жана темир менен микроэлементтердин жетишсиздиги олуттуу көйгөйгө айланган. Тренингдин негизги максаты – АДКнын ыктыярчыларынын, активисттеринин жана лидерлеринин толук кандуу тамактануунун маанилүүлүгүн түшүнүүсүн арттыруу жана бул көйгөйлөрдүн алдын алуу үчүн зарыл чараларды көрүүдө аларды билим менен камсыз кылуу.
Тренингдерден кийин АДК өкүлдөрү калк арасында түшүндүрүү иштерин жүргүзүшүп, маалыматтык материалдарды колдонушат. Бул иш-аракеттер жамааттын ден соолугун жакшыртууга жана анемия менен күрөшүүгө багытталган.
#Health #CHW #CommunityHealthWorkers
Биздин жамааттардагы Бүтүрүүчүлөрдү Колдоо Программасынын алкагында, Кыргыз Республикасындагы Гуд Нейборс жогорку класстын окуучулары жана бүтүрүүчүлөр үчүн бир катар тренингдерди өткөрдү. Бул долбоор кесиптик багыт берүү, көндүмдөрдү өнүктүрүү жана билимди кеңейтүү, ошондой эле Кыргызстандын жана башка өлкөлөрдүн алдыңкы жогорку окуу жайларына тапшыруу мүмкүнчүлүктөрүн камсыз кылууга багытталган.
Катышуучуларыбыз баалуу кеңештерди жана билимди гана алышпастан, экскурсияларга жана мастер-класстарга да барып, билим алуу жана иштөө шарттарын өз көздөрү менен көрүүгө мүмкүнчүлүк алышты. Бул ийгиликтүү келечек түзүү үчүн шыктандыруучу, практикалык тажрыйба алууга жана кандай кадамдарды жасоо керектигин түшүнүүгө уникалдуу мүмкүнчүлүк.
Биз мындай демилгелер жаштардын потенциалын ачууга жана кесипти аң-сезимдүү тандоого жардам берет деп ишенебиз. Биздин айылдардагы жана анын чегинен тышкары жаш муунду колдогон жана шыктандырган баардык адамдарга ыраазычылык билдиребиз!
#SponsorshipService #GraduatesSupportProgram
Рулда аялдар – стереотиптерди өзгөртүү жана таксилерди баарына жеткиликтүү кылуу!
Демилге жана шыктандыруучу окуялар тууралуу көбүрөөк билүү үчүн YouTube'дагы толук видеону көрүңүз!
https://youtu.be/bun0aOjVKaA?si=yxAFGLmuJZyckopT
Бул видеодон сиздер биздин "Аялдар таксиси" долбоорубуздан кадрларды көрө аласыздар, анда айдоочу айымдар тайманбай айдап, өзгөчө камкордукка муктаж болгондорго жардам беришет. Биздин долбоор теңдикти колдойт жана айдоочулук кесип жынысына карабастан бардыгы үчүн ачык экенин көрсөтөт.
#WomenTaxi #IncomeGeneration