КӨҢҮЛ БУРУҢУЗДАР! ТЕНДЕРЛЕР!
1. Тендер: Телевизорду (110–115 дюйм), жылма стендди жана презентерди (кликерди) жеткирүү
Долбоор жөнүндө:
Good Neighbors кеңсесинин конференц-залында презентацияларды, тренингдерди, жыйындарды жана видеоконференцияларды өткөрүү үчүн мобилдик дөңгөлөктүү стенди жана зымсыз презентер (кликер) менен кошо кең форматтагы дисплейди/телевизорду (110–115 дюйм, 4K UHD, HDR, Smart TV) сатып алуу. Сунуштун баасына жеткирүү, мобилдик стендди чогултуу, дисплейди орнотуу, жөндөө жана ишке киргизүү кирүүгө тийиш.
Тапшыруунун акыркы мөөнөтү: 2026-жылдын 20-октябры, саат 18:00гө чейин
Тапшыруу ыкмасы: «Телевизор» деген милдеттүү тема белгиси менен administration@goodneighbors.kg электрондук почтасына
Кеңири маалыматты tenders.kg сайтынан №32258 «Запрос коммерческих предложений: Поставка телевизора, диагональ 110-115 дюйм. Мобильная подставка. Кликер» номери астынан караңыздар (жарыяланган күнү: 14.10.2026-ж.).
2. Тендер: Билим берүү, мультимедиа жана коопсуздук жабдууларын жеткирүү, орнотуу жана ишке киргизүү
Долбоор жөнүндө:
Токтогул районунун Билим берүү бөлүмүн, Ы. Алыбеков атындагы №21 орто мектебин, ошондой эле «Нур» жана «Ак-Шоола» балдар бакчаларын (Жалал-Абад облусу, Токтогул району, Сары-Сегет айылы) заманбап билим берүү, мультимедиалык жабдуулар, коопсуздук системалары менен камсыздоо. Жабдуулардын тизмесине интерактивдүү панелдер (86" жана 75"), кесипкөй аудио жабдуулар, видеокөзөмөл системалары (20 IP-камера, NVR, УББ, тармактык шкафтар жана кабелдер), ошондой эле толук монтаждоо жана жөндөө иштери менен түстүү сыялуу МФУлар жана ламинаторлор кирет.
Тапшыруунун акыркы мөөнөтү: 2026-жылдын 21-октябры, саат 17:00гө чейин
Тапшыруу ыкмасы: «Оборудование в Токтогул» деген милдеттүү белгиси бар А4 форматындагы конвертте кагаз түрүндөгү билдирме төмөнкү дарек боюнча кабыл алынат: Бишкек ш., Иманалы Айдарбеков көч., 6 (2-кабат, Good Neighbors административдик бөлүмү). Бардык суроолор боюнча administration@goodneighbors.kg электрондук дарегине кайрылыңыздар.
Кеңири маалыматты tenders.kg сайтынан №32150 «Поставка, установка и ввод в эксплуатацию образовательного, мультимедийного и оборудования безопасности» номери астынан караңыздар (жарыяланган күнү: 08.10.2026-ж.).
Бишкекте мугалимдер жана социалдык педагогдор үчүн Коопсуз билим берүү чөйрөсүн камсыздоо боюнча методикалык колдонмону жайылтууга багытталган төрт күндүк интенсивдүү тренерлер үчүн тренинг өттү.
Иш-чара Кыргыз Республикасындагы Good Neighbors уюму тарабынан Кыргыз Республикасынын Агартуу министрлиги менен биргеликте «Коопсуз билим берүү чөйрөсү» долбоорунун алкагында уюштурулду. Расмий ачылышка Агартуу министрлигинин Тарбиялоо жана кошумча билим берүү бөлүмүнүн башчысы Алтынбек Эркимбеков катышты.
Демилгенин башкы максаты — балдар жана өспүрүмдөр үчүн коопсуз жана зомбулуксуз мектеп чөйрөсүн түзүүгө көмөктөшүү. Төрт күн ичинде катышуучулар чоңдорду окутуунун негизги аспектилерин өздөштүрүп, зомбулуктун жана буллингдин (анын ичинде кибербуллингдин) ар кандай түрлөрүнө чара көрүү алгоритмдерин талдап чыгышты. Ошондой эле травмага багытталган мамилени, балдарды коргоонун ченемдик-укуктук негиздерин жана үй-бүлөлөр дагы, мектеп жамааттары менен натыйжалуу өз ара аракеттенүү ыкмаларын изилдешти.
Мугалимдердин жана социалдык педагогдордун дараметин чыңдоо — бул Good Neighbors уюмунун балдарды коргоонун бирдиктүү стандарттарын киргизүүгө, колдоочу мектеп атмосферасына жеткиликтүүлүктү кеңейтүүгө жана өсүп келе жаткан муун үчүн психологиялык жактан дени сак келечекти калыптандырууга карай маанилүү кадамы.
Инстаграм видеосу
«Эми биз алган билимибизди балдарга берүүгө даярбыз!» — ЖРТга даярдоо боюнча тренингдин катышуучулары таасирлери менен бөлүшүштү
Математика, кыргыз тили жана орус тили мугалимдери үчүн Жалпы республикалык тестирлөөгө (ЖРТ) даярдоо боюнча үч күндүк окутуу курсу аяктады.
Иш-чара Кыргыз Республикасындагы Good Neighbors уюму тарабынан Билим берүүнү баалоо жана окутуу усулдары борбору (ББОУБ) менен өнөктөштүктө ишке ашырылды.
Тренингдин катышуучулары алынган билимдин практикалык маанилүүлүгүн жана окутуунун жогорку деңгээлин белгилешти:
«Биз окуучуларыбызды ЖРТга даярдоонун багыттарын жана жолдорун тереңирээк үйрөндүк. Үч күндүн ичинде күткөн нерселерибиздин баарын алдык. Эми алган билимибизди балдарга өткөрүп берүүгө даярбыз жана билим берүүнүн сапатын көтөрүүгө өз салымыбызды кошот деп ишенебиз!»
Инстаграм видеосу
«Ушундай семинарлар мугалимдерге окуучулардын муктаждыктарын жакшыраак түшүнүүгө жардам берет» — ЖРТга даярдоо боюнча үч күндүк тренингдин жыйынтыгы
Бишкек шаарында Ысык-Көл, Чүй, Жалал-Абад жана Ош облустарынын мектептеринен келген математика, кыргыз тили жана орус тили сабактары боюнча 69 мугалим үчүн интенсивдүү квалификацияны жогорулатуу программасы аяктады.
«Enhancing Teachers’ Qualifications for General Republican Testing Preparation» (Мугалимдердин Жалпы республикалык тестирлөөгө даярдоо боюнча квалификациясын жогорулатуу) долбоору Кыргыз Республикасындагы Good Neighbors уюму тарабынан Билим берүүнү баалоо жана окутуу усулдары борбору (ББОУБ) @ort_ceatm_official менен биргеликте ишке ашырылды.
Үч күн бою педагогдор алдыңкы эксперттер менен бирге ЖРТнын татаал тапшырмаларын, бүтүрүүчүлөр көп кетирген каталар менен иштөө усулдарын жана окуучулардын логикалык дагы, критикалык дагы ой жүгүртүүсүн өстүрүү жолдорун талдашты. Катышуучулар иш үчүн практикалык куралдарды жана курсту аяктагандыгы тууралуу сертификаттарды алышты.
Окутуунун жыйынтыктары жана биргелешкен иш боюнча таасирлери менен ББОУБ директору Батракеева Чынара Эбишовна бөлүштү:
«Мугалимдер тесттердин кылдат жактарын деталдуу изилдеп, окуучулардын жыйынтыктарын анализдеп, негизги компетенттүүлүктөргө басым жасоону үйрөнүштү. Биз катышуучулардан абдан жакшы кайтарым байланыш алдык жана балдардын сапаттуу билим алуусу үчүн Good Neighbors менен кызматташуубуз андан ары да кеңейе берет деп ишенебиз!»
Инстаграм видеосу