2026-жылдын 1-июнунда Жапалак айыл өкмөтү жана маданият бөлүмү менен биргеликте Балдарды коргоонун эл аралык күнүнө арналган майрамдык иш-чара уюштурулду.
Майрамга балдар, ата-энелер, жергиликтүү өз алдынча башкаруу органдарынын өкүлдөрү жана жергиликтүү жамааттын тургундары катышып, кубанычка, чыгармачылыкка жана ынтымакка толгон өзгөчө маанай түзүлдү.
Иш-чаранын алкагында 120 балага Good Neighbors уюму тарабынан белектер тапшырылды. Ошондой эле Жапалак айыл өкмөтү тарабынан балдарга балмуздак уюштурулуп таратылып, майрамга өзгөчө көрк берип, балдарга кошумча кубаныч тартуулады.
Кичинекей коноктор үчүн мазмундуу маданий-көңүл ачуучу программа даярдалды. Балдар ар кандай сынактарга жана оюндарга активдүү катышып, ырдоо, бийлөө жана чыгармачылык өнөрлөрүн көрсөтүштү.
Өзгөчө кызыгууну кыргыз элинин улуттук маданиятынын элементтерин жана корей элинин салттарын чагылдырган көркөм номерлер, ошондой эле таэквондо боюнча көрсөтмө оюн жаратты.
Бул майрам балдардын чыгармачылык дараметин ачууга мүмкүнчүлүк түзүп, алардын көбү өз таланттарын көрсөтүп, көрүүчүлөрдүн колдоосуна ээ болушту. Катышуучулардын жаркын өнөрлөрү унутулгус маанай жаратып, келген конокторго жагымдуу таасир калтырды.
КӨҢҮЛ БУРУҢУЗДАР! ТЕНДЕРЛЕР!
Good Neighbors Kyrgyz Republic 4 тендер жарыялайт:
Тендер 1:
№30573. Кыргыз Республикасында балдардын ден соолугун чыңдоо долбоорунун алкагында балдарды медициналык кароодон өткөрүү кызматтарын көрсөтүү боюнча.
Акыркы мөөнөтү: 9-июль
Тендер 2:
№30579. Кыргыз Республикасындагы этникалык корейлер үчүн комплекстүү офтальмологиялык текшерүү кызматтарын көрсөтүүгө боюнча.
Акыркы мөөнөтү: 1-июль
Тендер 3:
№30437. Жайкы беседканы куруу үчүн курулуш материалдар боюнча
Акыркы мөөнөтү: 2-июль
Тендер 4:
№30330. ФАПтар жана ҮМБлар үчүн медициналык жабдууларды сатып алуу боюнча.
Акыркы мөөнөтү: 5-июль
Тендерлер боюнча бардык маалыматтар жана документтер www.tender.kg сайтында жеткиликтүү.
Кызыкдар болгон уюмдарды жана жеткирүүчүлөрдү катышууга чакырабыз!
2026-жылдын 18–24-июнь күндөрү Global Youth Network (GYN) программасынын алкагында Кыргыз Республикасы менен Корея Республикасынын башталгыч класстарынын окуучуларынын ортосунда онлайн-сессиялар улантылды.
Global Youth Network — бул Good Neighbors International тарабынан ишке ашырылып жаткан эл аралык программа болуп, ар түрдүү өлкөлөрдүн балдарын жана жаштарын бириктирип, глобалдык жарандуулукту, лидерлик сапаттарды жана социалдык жоопкерчиликти өнүктүрүүгө багытталган. Программа балдардын жана жаштардын дүйнөлүк көйгөйлөр, Туруктуу өнүгүү максаттары (ТӨМ) тууралуу маалымдуулугун жогорулатууга, ошондой эле баарлашуу, кызматташуу жана коомдук турмушка активдүү катышуу көндүмдөрүн өнүктүрүүгө көмөктөшөт.
Онлайн жолугушуулардын жүрүшүндө окуучулар башка өлкөдөгү теңтуштары менен баарлашып, бири-бири менен таанышып, маданий алмашууга катышуу мүмкүнчүлүгүнө ээ болушту. Иш-чаралар достук маанайда өтүп, жаш муундардын эл аралык өз ара түшүнүшүүсүн чыңдоого жана глобалдык ой жүгүртүүсүн өнүктүрүүгө маанилүү салым кошту.
Программанын катышуучуларын лидерлик сапаттарды, сынчыл ой жүгүртүүнү, командада иштөө көндүмдөрүн жана глобалдык чакырыктарды түшүнүүнү өнүктүрүүгө багытталган мындан аркы алмашуу иш-чаралары жана окутуу сессиялары күтөт.
Окуу жергиликтүү аарычылардын кесиптик билимдерин жогорулатуу жана аарычылык чарбасын ийгиликтүү жүргүзүү үчүн зарыл болгон практикалык көндүмдөрүн өнүктүрүү максатында уюштурулду. Тренингди TES CENTRE уюмунун аарычылык тармагындагы тажрыйбалуу эксперти Музаффер Юсупов өткөрдү. Ал өзүнүн кесиптик ишмердүүлүгүнүн 40 жылдан ашуун убактысын ушул тармакка арнаган.
Үч күндүн ичинде катышуучулар буга чейин алган билимдерин жаңылап, аары үй-бүлөлөрүн багуунун заманбап ыкмалары, аарылардын ооруларынын алдын алуу жолдору менен таанышып, ошондой эле бал челек чарбаларынын өндүрүмдүүлүгүн жогорулатуунун ыкмаларын талкуулашты. Өзгөчө көңүл уюктарды багуунун практикалык аспектилерине жана аарычылык чарбасын натыйжалуу башкарууга бурулду.
Окуунун акыркы күнү жергиликтүү бал челекте өтүп, анда катышуучулар эксперттин жетекчилиги алдында алган билимдерин практика жүзүндө колдонууга мүмкүнчүлүк алышты. Мындай окутуу форматы аарычыларга теориялык материалдарды бекемдөөгө гана эмес, ошондой эле иш процессинде пайда болгон актуалдуу суроолоруна жооп алууга шарт түздү.
Алынган билимдер жана көндүмдөр катышуучуларга өз ишмердүүлүгүнүн натыйжалуулугун жогорулатууга, мүмкүн болуучу жоготуулардын алдын алууга жана чарбаларынын кирешесин көбөйтүүгө жардам берет деп ишенебиз. Good Neighbors Kyrgyz Republic туруктуу киреше булактарын өнүктүрүүгө жана жергиликтүү жамааттардын бакубаттуулугун жогорулатууга багытталган демилгелерди колдоону улантууда.
Көк-Чү Коомчулукту өнүктүрүү долбоорунда А. Токомбаев атындагы мектеп-комплексинде «Global Youth Network» («Глобалдык жаштар тармагы») программасынын алкагында даярдык боюнча бетме-бет сессия өткөрүлдү. Окуучулар алдыдагы алмашуу иш-чараларына даярдыктан өтүп, программанын алгачкы сабактарына активдүү катышышты. Жолугушуунун жүрүшүндө мектеп окуучулары өздөрүн тааныштырып, мектептери жана кызыгуулары тууралуу айтып беришип, баарлашууга жана тажрыйба алмашууга активдүү катышышты.
«Global Youth Network» — бул Good Neighbors International уюмунун ар кайсы өлкөлөрдүн балдарын жана жаштарын бириктирген эл аралык программасы. Программа глобалдык жарандыкты, лидерлик сапаттарды жана социалдык жоопкерчиликти өнүктүрүүгө багытталган. Долбоор балдар менен жаштардын дүйнөдөгү актуалдуу көйгөйлөр, Туруктуу өнүгүү максаттары (ТӨМ) тууралуу маалымдуулугун жогорулатууга, ошондой эле кызматташуу, баарлашуу жана коомдук турмушка активдүү катышуу көндүмдөрүн өнүктүрүүгө көмөктөшөт.
Алдыда катышуучуларды глобалдык көйгөйлөрдү жана Туруктуу өнүгүү максаттарын (ТӨМ) түшүнүүгө, лидерлик сапаттарын, сынчыл ой жүгүртүүсүн жана командада иштөө көндүмдөрүн өнүктүрүүгө багытталган бир катар окутуу сабактары жана практикалык иш-чаралар күтөт.
Программага катышуу аркылуу окуучулар глобалдык көйгөйлөр боюнча билимдерин кеңейтип, коммуникация, командада иштөө жана лидерлик көндүмдөрүн өнүктүрүп, өз коомчулугундагы маселелерди чечүүгө активдүү катышкан жарандарга айланат деп күтүлүүдө.
Кыргыз Республикасындагы Good Neighbors International (GNI) эл аралык гуманитардык уюмунун филиалы төмөнкү бош кызмат орундарын ээлөө үчүн квалификациялуу талапкерлерди арыз берүүгө чакырат.
Ачык вакансиялар:
• Program Officer — Бишкек шаары
• Бухгалтер — Бишкек шаары
• Logistics & Procurement Officer — Бишкек шаары
• Monitoring & Evaluation (M&E) Officer — Бишкек шаары
• Community Development Project (CDP) Officer — Бел-Алды айылы, Токтогул району
• Community Development Project (CDP) Officer — Жапалак айылы / Ош шаары
Good Neighbors International уюму Кыргызстанда 2014-жылдан бери иш алып барып, Чүй, Ош, Жалал-Абад жана Ысык-Көл облустарында коомчулукту өнүктүрүү долбоорлорун ишке ашырып келет.
📩 Кызыккан талапкерлер англис тилиндеги арызын (резюме, Good Neighbors Kyrgyz Republic уюмунун Employment Application Form формасы, ошондой эле сунуш каттар, сертификаттар жана башка кошумча документтер) төмөнкү электрондук дарекке жөнөтүшү керек: gnkgz@goodneighbors.kg
Арыздарды кабыл алуунун акыркы мөөнөтү: 2026-жылдын 28-июну.
Толук маалымат https://employment.kg/ сайтында.
КӨҢҮЛ БУРУҢУЗДАР! ТЕНДЕРЛЕР!
Good Neighbors Kyrgyz Republic 6 тендердин жарыяланганын маалымдайт:
Тендер 1:
№30255. Бүтүрүү иш-чарасын өткөрүү үчүн полиграфиялык продукцияларды (сахнаны жасалгалоо үчүн баннер, бүтүрүүчүлөр үчүн Instagram-фотозона) даярдоо жана жеткирүү боюнча коммерциялык сунуштарды берүү өтүнүчү.
Акыркы мөөнөт: 21-июнь
Тендер 2:
№30256. «Rural Youth Transition & Educational Motivation Initiative» долбоорун ишке ашыруу үчүн бүтүрүүчүлөрдүн мантияларын жана баш кийимдерин даярдоо жана жеткирүү боюнча коммерциялык сунуштарды берүү өтүнүчү.
Акыркы мөөнөт: 21-июнь
Тендер 3:
№30257. «Rural Youth Transition & Educational Motivation Initiative» долбоорун ишке ашыруу үчүн Good Neighbors логотиби түшүрүлгөн белек топтомдорун жеткирүү боюнча коммерциялык сунуштарды берүү өтүнүчү.
Акыркы мөөнөт: 21-июнь
Тендер 4:
№30258. Айылдык мектептердин бүтүрүүчүлөрү үчүн кесиптик багыт берүү, психосоциалдык колдоо жана стрессти башкаруу боюнча онлайн топтук программаларды иштеп чыгуу жана өткөрүү кызматтарын көрсөтүү боюнча коммерциялык сунуштарды берүү өтүнүчү.
Акыркы мөөнөт: 22-июнь
Тендер 5:
№30262. Бухгалтердик аудит кызматтарын көрсөтүү боюнча коммерциялык сунуштарды берүү өтүнүчү.
Акыркы мөөнөт: 17-июнь
Тендер 6:
№30275. Жайкы беседканы куруу үчүн курулуш материалдарын жеткирүү боюнча коммерциялык сунуштарды берүү өтүнүчү.
Акыркы мөөнөт: 17-июнь
Толук маалымат жана тендердик документтер www.tender.kg сайтында жеткиликтүү.
Кызыкдар болгон уюмдарды жана жеткирүүчүлөрдү тендерлерге катышууга чакырабыз!
Балдарды коргоонун эл аралык күнүнө карата Good Neighbors Кыргызстан уюму Жалал-Абад облусунун Токтогул районундагы Бел-Алды жана Үч-Терек Коомчулукту өнүктүрүү долбоорлорунда балдар үчүн майрамдык иш-чараларды уюштурду. Иш-чаралар 3-июнда Бел-Алды айылында, ал эми 4-июнда Үч-Терек айылында өткөрүлдү.
Майрамдык программалар Абды-Суеркулов жана Үч-Терек айыл өкмөттөрү, ошондой эле жергиликтүү коомчулуктун өкүлдөрү менен тыгыз кызматташтыкта ишке ашырылды.
Иш-чаралардын концепциясы коомчулуктун муктаждыктарын баалоонун жыйынтыктарынын жана фокус-топтордо жүргүзүлгөн талкуулардын негизинде иштелип чыккан. Талкуулардын жүрүшүндө жергиликтүү тургундар мектептерде жана мектепке чейинки билим берүү мекемелеринде балдардын STEAM көндүмдөрүн өнүктүрүүгө мүмкүнчүлүктөр жетишсиз экендигин белгилешкен. Аныкталган муктаждыктарга жооп катары Good Neighbors өнүктүрүүчү топтомдорду жана чыгармачылык оюндарды колдонуу менен билим берүүчү оюн иш-чараларын уюштурду.
Иш-чаралардын жүрүшүндө балдар логикалык ой жүгүртүүнү, чыгармачылык жөндөмдөрдү, баарлашуу көндүмдөрүн жана командада иштөө жөндөмүн өнүктүрүүгө багытталган ар түрдүү билим берүүчү жана чыгармачылык оюндарга катышышты.
Бир нече калктуу конуштарда бир эле учурда өткөрүлгөн иш-чаралар алыскы аймактарда жашаган көбүрөөк балдарды жана үй-бүлөлөрдү камтууга мүмкүндүк берип, алардын билим берүүчү жана көңүл ачуучу мүмкүнчүлүктөргө тең жетүүсүн камсыз кылды.
Балдарды коргоонун эл аралык күнүн белгилөөнүн алкагында Good Neighbors уюмунун Кыргыз Республикасындагы өкүлчүлүгүнүн Болот Мамбетов айыл аймагындагы (Тоң району, Ысык-Көл облусу) Коомчулукту өнүктүрүү долбоорунун командасы долбоордун аймагындагы жети айылдын баарында балдар үчүн майрамдык иш-чараларды уюштурду.
Жаш катышуучулар үчүн аниматорлордун жана костюмчан каармандардын катышуусунда кызыктуу оюн-зоок программасы даярдалды. Балдар оюндарга, сынактарга жана чакан викториналарга катышып, музыкалык программага жана самын көбүкчөлөрүнүн шоусуна күбө болушту. Эң активдүү катышуучулар оюнчуктар жана эстелик белектер менен сыйланышты.
Иш-чаранын жүрүшүндө балдардын коопсуздугу, алардын укуктары жана оор кырдаалдарда жоопкерчиликтүү чоңдордон жардам суроонун маанилүүлүгү тууралуу кыскача маалыматтык сессия өткөрүлдү.
Коомчулукту өнүктүрүү комитеттеринин мүчөлөрү менен биргеликте балдарга 700дөн ашуун таттуу белектер таратылып, бул майрамдын эң күтүлгөн учурларынын бири болду.
Өткөрүлгөн иш-чара балдарга кубаныч жана жагымдуу эмоцияларды тартуулап, ар бир бала үчүн коопсуз жана колдоочу чөйрөнү түзүүнүн маанилүүлүгүн дагы бир жолу эске салды.